Otọ́ de zanhẹ viyọnnu etọn owhe 18 mẹvi de gannu-gannu to nusatẹn de mẹ

Azangaagbe, Whejisun 15, 2023

Whẹdatẹn Ikeja tọn he tin to Ogba, ayimatẹn Awọnlin tọn, ko sẹ́ dawe owhe 36 mẹvi de, Roland Okejare do ganmẹ to ganpamẹ Kirikiri tọn na e zanhẹ viyọnnu etọn owhe 18 mẹvi de gannu-gannu to nusatẹn etọn to Ikotun-waji to ayimatẹn lọ mẹ.

Whẹdatọ Mẹdaho L. A Owolabi na gbedide lọ to whenue ponọ lẹ wle wa owhẹ nukọn na e zanhẹmẹ gannu-gannu wutu to Tẹnigbe.

Ponọ agọjẹdo sẹ́nhẹngbatọ, Ester Igbineweka, dọna whẹdatẹn dọmọ, sẹ́nhẹngbatọ lọ waylando lọ to Alunlunsun 4, 2023.

Sọgbe hẹ nuhe Ponọ lọ dọ, ylanwiwa mọnkọ dona mọ yasanamẹ yi sgbe hẹ osẹ́n Section 260 he tin to osẹ́nwema ayimatẹn Awọnlin tọn 2015 mẹ.

Whẹdatọ lọ hia dọmọ, "Na hiẹ, Roland Okejere, to Alunlunsun 4, 2023, to nusatẹn towe to ohunglitẹn Ikotun tọn, ayimatẹn Awọnlin tọn, zanhẹ viyọnnu towe owhe 18 mẹvi gannu-gannu matin gbekọndopọ etọn bo gbọnmọ dali waylando he jẹna yasanamẹ he yin Section 260 to osẹ́nwema ayimatẹn Awọnlin 2015 tọn glọ."

Whẹdatọ lọ ma sè ovẹ̀ ylanwatọ lọ tọn.

Owolabi dọ dọ ylanwatọ lọ na yin zizedo ganmẹ na azan 30 na ayinamẹ he wa sọn mẹhe yin azinponọ na sẹ́nhẹngba tọn.

owhẹ lọ yin sisẹdo nukọn kakajẹ Lidosun 12, 2023.

Asisa lẹ

• Farida Mohammed. "Father rapes 18-year-old daughter in shop". — Punch. March 14, 2023
• Sodiq Adelakun. "Father remanded for raping 18-year-old daughter in Lagos". — Nigerian NewsDirect. March 15, 2023