Otọ́ de to Ogun do gẹdẹ ovi etọn awe bosọ do ye huvẹ kakajẹ kúdonu

Sọn Wikilinlin

Yọnnuzangbe, Lidosun 20, 2023

Dawe owhe 45 mẹvi de, Gbenga Ogunfadeke, ko yin wiwle na e do gẹdẹ ovi etọn awe bosọ sú yé do ohọ̀ de mẹ he hẹn okú wa na yé.

E yin didọ dọ mẹhe go ye vẹnudo lọ yin wiwle to Oguzangbe to Ibiade, gandudu dokọtọn Ogun Waterside to ayimatẹn Ogun tọn mẹ gbọn omẹ Amotekun tọn lẹ dali.

Dodinnanu he linlinhọsa Punch tọn basi dohia dọ mẹhe go ye vẹnudo lọ he ji ovi atọ̀n, sawhẹdokọna ovi etọn lẹ dọ yé fìn akuẹ.

E yin didọ dọ e do gẹdẹ bosọ sú ovi lọ lẹ do ohọ̀ de mẹ matin nududu po osin po na osun atọ̀n. Ninọmẹ lọ wẹ hẹn okú wa na awe to ovi lọ lẹ mẹ. Dodinnanu sọ dohia dọ mẹhe go ye vẹnudo lọ ko to yasana ovi lọ lẹ yèdọ; owhe 16, 17 po 18 mẹvi po sọn whenue gbọn yé ko tin po e po dile alọwle etọn po onọ̀ ovi lọ lẹ tọn Busola Otusegun po tọn ko gbakija godo.

Dawe lọ dọdọ ajò he ovi lọ lẹ to jija wutu wẹ emi do wa mọ ọ́ nado doalọtena walọ mọnkọtọn. E yidogọ dọ emi ko ze ovi awe he yin matintọ lọ lẹ yí dotowhe to ojlẹ voovo lẹ mẹ whenuena yé jẹ azọ̀n, ṣigba gbọn kosọ ylankan dali yé kú to ojlẹ lọ mẹ.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Otọ́_de_to_Ogun_do_gẹdẹ_ovi_etọn_awe_bosọ_do_ye_huvẹ_kakajẹ_kúdonu&oldid=16635"