Otọ́ de tindo kọndopọ zanhẹmẹ tọn hẹ viyọnnu owhe 7 mẹvi etọn to Edo

Tẹnigbe, Kọ́yànsun 9, 2023

Ponọ ayimatẹn Edo tọn ko wle dawe de, he nọ yin Felix Iloghevbo na e zanhẹ viyọnnu etọn owhe ṣinawe mẹvi wutu.

Ponọgán Hodọdopọ azọ́nwhe tọn, Chidi Nwabuzor hẹn ehe zun yinyọnẹn to hodidọ de mẹ to Sẹgbe.

E dọmọ, dawe lọ wa danu mọnkọ to azan 19tọ Zósun, 2023, to lẹdo Idokpa tọn, gandudu dokọ Uhunmwode tọn to ayimatẹn lọ mẹ.

E dọmọ, Ponọ Tatọtẹnnọ Egba tọn lẹ, to whenuena yé to azọ́nwa do nudọnamẹ gigọ de ji, wle danuwatọ lọ he yigbe sẹnhẹngba etọn tọn bosọ ze viyọnnu lọ sọyi dotowhé na nukunpedomẹgo.

Ponọgán hodọdopọ azọ́nwhé tọn lọ yidogọ dọmọ, ponọ lẹ wle de he nọ yin Godwin Osaghale na e zanhẹ viyọnnu owhe 20 mẹvi de gannu-gannu to ayimatẹn lọ mẹ.

E dọmọ, danuwatọ lọ yin wiwle to Uromi, Edo Central to whenue otọ́ ovi lọ tọn jẹwhẹ danuwatọ lọ tọn dọ, e biọ owhé emitọn gbè to whenue emi ma tin to whégbè, whenue e mọ dọ ovi lọ to azọ̀njẹ bo to aisinsin to ojan mẹ, whenẹnu wẹ e zanhẹ gannu-gannu.

Asisa lẹ

• Adeyinka Adedipe. "Father defiles seven-year-old daughter in Edo"—Punch. October 9, 2023
• Usman A. Bello. "Man Arrested For Defiling 7-Year-Old Daughter In Edo"—Daily Trust. October 9, 2023