Otọ́, ovi etọn ẹnẹ po omẹ 95 devo lẹ po wẹ kú to tọjihun de he siọ́ mẹ to Kwara

Sọn Wikilinlin

Ahọluzangbe, Ayidosun 16, 2023

Nuhe ma whè sọn gbẹtọ 100, gọna otọ́ de po ovi etọn ẹnẹ lẹpo we hẹn ogbẹ yetọn bú to tọjihun de he siọ́ mẹ to gbetato Egbu tọn to lẹdo gandudu dokọtọn Patigi, ayimatẹn Kwara tọn mẹ.

Dodinnanu he linlinhọsa Vanguard tọn basi dohia dọ asidan lọ jọ to Tẹnigbe whenue matintọ lọ lẹ lẹkọ sọn hunwhe alọwle tọn de mẹ to gbetato Egboti tọn to ayimatẹn Niger tọn mẹ. E sọ yin didọ dọ agbówhẹn tọji tọn wẹ ze tọjihun yi gbà do atin de go, he hẹn tọjihun lọ siọ́ bọ omẹ susu do yin matintọ. Agbegbe Egboti tọn wẹ ko biọ aluẹmẹ dile nuhe ma whè sọn oṣiọ omẹ 50 tọn wẹ ko yin mimọ to asidan lọ mẹ to alọnu.

Mẹhe to gbetato lọ mẹ lẹ dọna linlin-kàntọ lẹ dọ matintọ lọ lẹ bẹ gbejizọnlin yetọn sọn gbetato Kpada tọn nado yì hunwhẹ alọwle tọn de to gbetato Egboti tọn mẹ.

Yé sọ yidogọ dọ tọjihun lọ bẹ gbẹtọ hugan 300 whenue e lẹkọ sọn alọwle lọ tẹnmẹ bosọ siọ́ to gbetato Egbu tọn mẹ. Mẹhe basi zẹẹme nujijọ lọ tọn lẹ dọdọ omẹ 69 wẹ kú sọn gbetato Egbu tọn mẹ, 36 sọn gbetato Gakpa tọn podọ omẹ ẹnẹ sọn gbetato Kpada tọn mẹ to gandudu dokọtọn Patigi to ayimatẹn lọ mẹ

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Otọ́,_ovi_etọn_ẹnẹ_po_omẹ_95_devo_lẹ_po_wẹ_kú_to_tọjihun_de_he_siọ́_mẹ_to_Kwara&oldid=18516"