Osimhen hẹn awhàngbigba wá na Napoli to adà bọlu-hògbẹ́ 16 lẹ tọn he gbọngodo to Champions League mẹ

Sọn Wikilinlin

Yọnnuzangbe, Afínplọsun 23, 2023

noicon
Icon of loudspeaker
Hoyido-kanji ehe yin bibasi sọn vọjlado nukinkan tọn mẹ he yin bibasi to 23-02-2023, enẹwutu e ma sọgan dó vọjlado dìn tọn hia todin.

Victor Osimhen sọ biọ todohukanji agódotọ lẹ tọn mẹ dile yé hò Eintracht Frankfurt 2-0 to agbàwhinwlẹn tintan to adà bọlu-hògbẹ́ 16 he gbọngodo lẹ tọn mẹ to Champions League mẹ to Oguzangbe.

Osimhen do agó whẹpo adà tintan aihun lọ tọn do wa vivọnu bọ Di Lorenzo do agó awetọ nado jẹ nukọn to kẹdẹ dile e basi do to aihun awetọ he yé hò to hùwaji Italy tọn to azán 15tọ Nuwhàsun.

Frankfurt yin didepo do bọlu-hòtọ ao to bẹjẹeji adà awetọ aihun lọ tọn to whenuena Randal Kolo Muani ṣinuwa sọta Frank Anguissa he yin bọlu-hòtọ Napoli tọn.

Napoli yidogọna agó yetọn bleun to whenuena Khvicha Kvaratskhelia na Giovanni Di Lorenzo bọlu dagbe de nado hẹn Napoli pegan na adà bọlu-hògbẹ́ ṣinatọ̀ntọ he gbọngodo lẹ tọn to Champions League mẹ na wla tintan tọn.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Osimhen_hẹn_awhàngbigba_wá_na_Napoli_to_adà_bọlu-hògbẹ́_16_lẹ_tọn_he_gbọngodo_to_Champions_League_mẹ&oldid=12271"