Oshoala yin nukundeji dile Barca jẹ adà bọlu-hògbẹ́ he gbọngodo to agbàwhinwlẹn yọnnu lẹ tọn to Champions League mẹ

Sibigbe, Lidosun 29, 2023

Asisat Oshoala gba bọlu na nukunwhiwhe 60 na bọlu-hògbẹ́ yọnnu Barcelona tọn he pegan na agbàwhinwlẹn godo tọn to Champions League yọnnu lẹ tọn mẹ na whla atọ̀ntọ to whenuena yé duto Chelsea ji podo agó 2-1 po godo.

Bọlu-hòtọ owhe 28 mẹvi he ko do agó 24 to agbàwhinwlẹn 33 mẹ na bọlu-hògbẹ́ yọnnu Barcelona tọn lẹ yin didiọ na Salma Parallueloat.

Adà Emma Hayes tọn he yin gbigbà kijá gbọn Barca dali to owhe awe die yọnẹn dọ yé dona do agó to Spain nado diọ gúgú agó 1-0 tọn ehe yé to gúgú to agbàwhinwlẹn tintan whenu.

Nado pé adà he ko duto agbàwhinwlẹn 19 ji to owhe yetọn gbe to Europe, yé hẹn ninọmẹ Chelsea tọn vẹawu deji dogọ to whenuena Caroline Graham Hansen do agó to nukunwhiwhe 63tọ mẹ.

Ṣigba Blues fli agó lọ lẹkọ to nukunwhiwhe ẹnẹ godo to whenuena suhugan hodọtọ ehe sin sọha yi 70,000 to Camp Nou mẹ to ayajẹ to whenuena Guro Reiten do agó devo to agó Sam Kerr tọn godo.

Chelsea do vivẹnu nado gbawhàn ṣigba yé gbọawupo dile Barcelona pegan na adà godo tọn to agbàwhinwlẹn lọ mẹ na owhe atọ̀ntọ.

Gúgú lọ hẹn tadona wa na yanwle ale atọ̀n he Chelsea to vivẹnudo nado mọyi ṣigba yé gbẹpo to agbàwhinwlẹn Super League yọnnu lẹ tọn mẹ dile yé na sọ to agbàwlẹn hẹ yọnnu Manchester united tọn lẹ to FA Cup mẹ.

Asisa lẹ

• Johnny Edward. "Oshoala stars as Barca reach WCL final".– Punch. April 28, 2023
• Sarah Rendell. 'Caroline Graham Hansen’s strike sends Barcelona through the their third successive Women’s Champions League final after overcoming a stoic Chelsea team".– The Guardian. April 28, 2023