Ondo-nu lẹ mọ nukunpedomẹgo dotowhé tọn yi vọnu

Sẹgbe, Whejisun 26, 2023

Fininọ gandudu dokọ Ile Oluji/Oke tọn he ma whe hugan 300 to ayimatẹn Ondo tọn mẹ ko mọ nukunpedomẹgo doto tọn lẹ yí vọnu gbọn ogbẹ́ dotozọ́nwatọ ayimatẹn lọ mẹ tọn lẹ.

Azọ̀n delẹ yin nukunpedo na mẹhe tindo lẹblanulọkẹyi lọ lẹ taidi tansiọn, adọvivi, nukunzọ̀n po azọ̀n sinsinyẹn devo lẹ po gbọn ogbẹ́ dotozọ́nwatọ lọ lẹ dali. Tito lọ bẹjẹeji to Tẹnigbe bo fó to Ahọluzangbe.

To hodidọ do tito lọ ji, titobasinanutọ po aṣẹpatọ he nọtena Ondo South Senatorial District, Nicholas Tofowomo dọ dọ nukunpedomẹgo vọnu doto tọn mọnkọ yin dandannu de na fininọ lẹdo lọ mẹ tọn lẹ.

E doayiego dọ, podo nukunpedomẹgo po tẹnpọn vọnu mọnkọ po na fininọ gandudu dokọ lọ tọn, awutunọ he do hudo mẹzizẹ tọn na yin zize yi dotowhé Federal Medical Center, Owo tọn na nukunpedomẹgo mẹzizẹ tọn.

Whẹwhiwhẹn he to godo na nuyiwa mọnkọ wẹ, Tofomowo dọ dọ, papa nọ sọ́ mi nado gọalọ bo yidogọna dagbemẹninọ mẹhe tin to agbegbe ṣie lẹ tọn lẹpo ji.

"Nuhewutu n'do to ehe lọ wa wẹ, owanyi he yẹn tindo na omẹ ṣie lẹ. Yẹn yin dopo to yé mẹ. Yẹn ko nọ mọ gbegbo yí sọn ojlẹ dindẹn die. To ojlẹ delẹ mẹ wayi, yẹn wẹ yin wekantọ daho ogbẹ́ wehọmẹvi Ile-Oluji tọn bọ mí sọ bẹ nuwiwa delẹ jẹeji nado hẹn gbẹzan omẹ lọ lẹ tọn pọnte dogọ.

"Sọn whenẹnu gbọn, gbigbọ lọ gbọṣi yẹn mẹ, e ko lẹzun apadewhe ṣiẹ. Etlẹ yin whenue yẹn tin to UK, yẹn nọ wa owhé nado yidogọna yẹyi omẹ ṣie lẹ tọn," wẹ aṣẹpatọ dọ.

Dopo to mẹhe tindo lẹblanulọkẹyi lọ lẹ mẹ, Fasola Kike pà titobasinanutọ tito lọ tọn dọmọ, e ko yidogọna dagbemẹninọ po jijọho omẹ lẹ tọn po.

Asisa lẹ

• Peter Dada. "Ondo residents get free medical treatment". — Punch. March 25, 2023