Jump to content

Onọ̀-daho dé do miyọn visunnu po asi, po ovivi etọn lẹ po to Ondo

Sọn Wikilinlin

Ahọluzangbe, Whejisun 24, 2023

Onọ̀-daho de, he nọ yin Iforiti, ko do miyọn visunnu etọn po asi ẹ podo ovivi awe etọn po to lẹdo Apomu tọn mẹ to Akure, he yin tatọ-tẹnnọ Ondo tọn.

mẹhe mọ nujijọ lọ dọ dọ onọ̀-daho lọ he nọ nọ̀ owhé dopolọ gbe po ye po ko nọ to numọdo do ye go dai dọ ye nọ dó huvẹ emi.

Mí sè linlin lọ dọ nawe lọ dọ miyọ́n ohọ̀ yetọn lọ to whenue whẹndo ko to amlọndọ, podọ ehe hẹn oku wá na omẹ atọ̀n, enẹ wẹ, visunnu etọn Victor, asì ẹ, Rachael, and dopo to ovi-vi etọn lẹ mẹ po, bọ ovi awètọ lọ uwọ to kú-daa-gbẹ̀-daa to dotowhé Federal Medical Centre (FMC), Owo tọn mẹ.

To whenue Korede Michael, dawe de he to nujijọ lọ tẹnmẹ, to otàn nujijọ lọ tọn pìn na linlinnamẹtọ lẹ, e dọmọ, "Mí mọ̀ miyọ́n lọ to nudi ogàn awè zánhomẹ tọn mẹ to to sẹfifo lọ, podọ mí to dandannu glọ nado gbà fleṣé nado sọgán whlẹn mẹhe to ohọ lọ mẹ lẹpo gán".

"Nawe lọ, visunnu etọn, Victor Oloro; asì ẹ, Racheal; po ovi yetọn lẹ, Toluwani po Blessing po, yemẹpo wẹ tin to ohọ lọ mẹ to whenue nawe lọ flọ́ miyọ́n lọ. E ṣian dépapa huhu delẹ pli bo ze amì he visunnu etọn nọ hla dai do àlá de mẹ (na Gen), bo kọ̀n ẹn lẹdo ohọ̀ lọ pé bo wá flọ́ miyọ́n demẹ".

" Yẹn wẹ yin omẹ tintan he doayi miyọ́n lọ go bo lọ́n biọ ohọ̀ lọ mẹ whẹpo hagbẹ lẹdo lọ tọn devo lẹ wá gọna mi nado whlẹn yé gan.

" Mí wleawuna mọto de nado bẹ yé sọyi dotowhé ahọlu tọn he to Akure mẹ to afọdopolọji.

Asisa lẹ[jlado | jla asisado]