Omẹ dopo kú bọ omẹ ṣinatọ̀n gbleawu to asidan he jọ to aliho Lagos-Ibadan tọn ji

Oguzangbe, Ayidosun 6, 2023

Omẹ dopo he yin didọ dọ e kú to asidan he bẹ mọto Volkswagen hẹn de to aliho Lagos-Ibadan tọn ji to Sẹgbe.

Omẹ ṣinatọ̀n devo lẹ gbleawu to asidan lọ he wa aimẹ to lẹdo Warewa tọn to aliho aga tọn he tin sẹpọ Ibadan to nudi ogan 10.12 afọnnu tọn mẹ.

Nukunmọnu mítọn he tin to nujijọ lọ tẹnmẹ, dọmọ, wezunhinhọn zẹjlẹgo wẹ zọ́n bọ asidan lọ do jọ, mọto lọ tindo wekun sọha mẹyinyọnẹn tọn APP 47 YA.

Mọto he bẹ omẹ 10 enẹ dona ko zlọn yi aga bosọ lilẹ to whenue húnkuntọ lọ ṣi alọ lẹ́.

Kunnudetọ nujijọ lọ tọn de, Gambo Sule, dọmọ, "Yẹn tofi whenue nujijọ ehe waimẹ, mẹdelẹ whlẹn ohúndotọ he tin to ohún lọ mẹ lẹ. Susu ohúndotọ lọ lẹ gbleawu vude. Ponọ lẹ po azọ́nwatọ FRSC tọn lẹ po wa to godo mẹ bo plan mẹhe gbleawu lẹ sọyi dotowhé."

Kunnudetọ devo, Seyi Dapo lọsu dọmọ, susu mẹlẹ tọn wẹ gbleawu ṣigba mẹdopo kú. Ponọ lẹ po azọ́nwatọ FRSC tọn lẹ po he tin to Warewa bẹ mẹhe gbleawu lọ lẹ po oṣiọ lọ po yi dotowhé."

Ponọ-gán hodọdopọ ogbẹ́ Federal Road Safety Corps ayimatẹn Ogun tọn, Florence Okpe, hẹn diun dọ nujijọ lọ waimẹ nugbo to whenue e to hodọdopọ podo afọzedaitọ mítọn.

E dọmọ, " sunnu 10 wẹ tindo mima to asidan jọ lọ mẹ bọ mẹdopo basi matintọ, whenuena omẹ ṣinatọ̀n gbleawu sinsinyẹn. Azọ́nwatọ FRSC tọn lẹ yi nujijọ lọ tẹnmẹ to afọdopolọ ji nado bẹ mẹhe gbleawu lọ lẹ yi dotowhé. Oṣiọ lọ yin zize sọyi mọgu," dile e dọ do.

Asisa lẹ

• Toni Ufor. "One dies, eight injured in Lagos-Ibadan Expressway crash". — Punch. June 5, 2023
• Kazeem Tunde. "One Dies, Eight Injured In Lagos-Ibadan Expressway Crash". — The Glitters. June 5, 2023