Omẹ atọ́n kú, ṣigba omẹ ṣidopo gán to asidan tọjihun tọn de he jọ to Kano whenu

Tẹnigbe, Lidosun 24, 2023

To Sẹgbe, ogbẹ́ he nọ ṣí miyọ́n to Kano na nudọnamẹ lọ dọ gbẹtọ atọ́n wẹ kú to whenue omẹ ṣidopo devo lẹ gán to asidan tọjihun tọn de he jọ to Kanwa Dam whenu, to lẹdo gandudu dokọ̀ tọn Madobi tọn to ayimatẹn lọ mẹ.

Ogán hoyidọtọ ogbẹ́ lọ tọn, Alhaji Saminu Abdullahi, to hodidọ de mẹ to alokan ji hẹ linlinnamẹtọ lẹ to Kano, dọdọ mẹde he yin yinyọnẹn taidi Umar Faruk-Dalada wẹ jẹwhẹ̀ nujijọ lọ tọn bo na nudọnamẹ gando fie e jọ te go.

E dọdọ: "Nujijọ lọ jọ to azán 22tọ Lidosun tọn, to nudi ogàn 05:40 whèjai tọn mẹ.

Gbẹtọ 11 wẹ to tọjihun lọ mẹ, omẹ ṣidopo wẹ yin whinwhlẹngan, ṣigba omẹ atọ́n wẹ to kú-daa-gbẹ̀-daa to whenue yé yin dide tọ́n sọn osin mẹ.

Yinkọ mẹhe hẹn ogbẹ̀ yetọn bú to nugbajẹmẹji lọ whenu lẹ tọn wẹ Abdulrazak Nabara he yin owhe 40-mẹvi, Dalha Muktar-Atamma he ewọ lọsu yin owhe 40-mẹvi, Mustapha Ibrahim he yin owhe 45-mẹvi, Umar Isah, he yin owhe 35-mẹvi po Umar Idris, mẹhe ewọ lọsu yin owhe yin owhe 35-mẹvi de ga po."

Ogán lọ dọdọ mẹhe dukosọ ylankan lọ lẹ wá sọn Fagge, to lẹdo gandudu dokọ̀ tọn Fagge tọn mẹ to ayimatẹn lọ mẹ.

E dọdọ dodinnanu ko bẹjẹeji gando nugbajẹmẹji lọ go podọ nudọnamẹ lẹ na yin hinhẹn tin to aimẹ to whenue dodinnanu lọ ko fó godo.

Asisa lẹ

• Amos Tauna. "Five die, six survive boat mishap in Kano". — Daily Post. April 24, 2023
• "Five die, six survive Kano boat accident". — Punch. April 24, 2023