Omẹ atọ́n fiọ́ to asidan he jọ to alihogbó Gbagli - Seme tọn ji

Ahọluzangbe, Whejisun 10, 2023

Mí sè dọ gbẹtọ atọ́n wẹ fiọ́ glunmuglunmu dile omẹ atọ̀n devo lẹ gbleawu to asidan ylankan de mẹ to alihogbó Gbagli - Seme tọn ji to Awọnlin Yọnnuzangbe.

Mẹhe yin ogán azọ́nwatẹn he nọ penukundo hihọ́ aliho ji tọn gbagli tọn yèdọ; Federal Road Safety Corps, Sulaiman Taiwo dohia dọ nugbo wẹ dọ nujijọ lọ jọ. E dọna linlin-kàntọ lẹ dọ asidan lọ jọ to topẹvi Akoro tọn to alihogbó Gbali - Seme tọn ji.

Asidan lọ jọ to mọto Honda Pilot SUV dé he tindo wekun LSR 772 HE to e go po zokẹkẹ he ma do nukinkan depope to e go de po ṣẹnṣẹn. Taiwo dọdọ hunkuntọ Honda Pilot tọn lọ na ko họn wezun hugan sọmọ bọ e ma sọgan deanana ohún lọ bà ehe hẹn yì sọ́ zokẹkẹ he ko bẹ amì lọ.

Ohún lọ po kẹkẹ lọ po he sọ́ yede wẹ dọn miyọ́n he bẹ to afọdopolọji. Omẹ atọ̀n he gán to miyọ́n lọ mẹ ko yin bibẹ yì dotowhe daho gbagli tọn dile oṣiọ omẹ atọ́n lọ lẹ tọn ko yin bibẹ do morgue to dotowhe dopolọ wẹ Taiwo dọ.

Asisa lẹ

• NAN. "Five burnt beyond recognition in Badagry accident". — The Guardian. March 10, 2023
• "Five burnt in Badagry-Seme Expressway crash". — Punch. March 9, 2023