Omẹ atọ̀n wẹ kú bọ omẹ ṣinẹnẹ gbleawu to asidan he jọ to alihogbó Bauchi tọn ji

Sọn Wikilinlin

Azangaagbe, Whejisun 15, 2023

Omẹ atọ̀n wẹ ko kú to asidán he jọ to Tẹnigbe, to gbétato Gaba Data tọn mẹ to alihogbó Bauchi do yi Kano tọn ji to Lẹdo Gandudu Dokọ̀ tọn Ganjuwa tọn mẹ to ayimatẹn Bauchi tọn mẹ.

E whè gbau omẹ ṣinẹnẹ wẹ gbleawu jẹ oba de mẹ.

E yin hinhẹn họnwun na linlinnamẹtọ mítọn dọ asidán lọ he jọ to ogàn wiawe din nukunwhiwhe wiatọ̀n mẹ, bọ nujijọ lọ sọ jọ do gbẹduhun daho Hummer de he bẹ omẹ Konukunawe go

Yé bẹ sunnu mẹho sinẹnẹ, yọ́nnu mẹho ṣinawe, gọna visunnu ẹnẹ po viyọnnu awè po hẹn.

Sọgbe hẹ linlin he ponọ̀ Federal Road Safety Corps (FRSC) na ayimatẹn Bauchi tọn lẹ na gando asidán lọ go, wekun sọha mẹyinyọnẹn tọn he to mọto lọ go wẹ: GKA519 XA.

Ogàn wiawe din nukunwhiwhe Konukunatọ̀n zánhomẹ tọn mẹ wẹ linlin nujijọ lọ tọn yin nina te podọ tlolo wẹ azọ́nwatọ ponọ FRSC tọn lẹ yawu jẹ nujijọ lọ tẹnmẹ to gblagbla nukúnwhiwhe 10 tọn mẹ nado gọalọ nado whlẹn mẹlẹ gan.

Mẹhe go asidán lọ jọ do lẹ yin bibẹ sọyi dotowhé Abubakar Tafawa Balewa Teaching Hospital tọn he to Bauchi po awuyiya po, na yé nido yin nukúnpedego.

Dotowhé lọ wẹ doto de dọ te dọ omẹ atọ̀n sunnu mẹho awè po viyọnnu dopo po ko ku. Omẹ ṣinẹnẹ he gbleawu lẹ bẹ sunnu mẹho atọ̀n, yọ́nnu mẹho atọ̀n, gọna visunnu awè po viyọnnu dopo po hẹn.

Siọ lọ lẹ yin bibẹ sọyi ṣiọsẹdotẹn ATBUTH tọn podọ yé na wá yin bibẹjo na hẹnnumẹ yetọn lẹ nado yin didi.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Omẹ_atọ̀n_wẹ_kú_bọ_omẹ_ṣinẹnẹ_gbleawu_to_asidan_he_jọ_to_alihogbó_Bauchi_tọn_ji&oldid=11953"