Omẹ atọ̀n kú dile hagbẹ tonudọgbẹ́ APC po PDP po tọn tọ́navun yedelẹ

Ahọluzangbe, Whejisun 17, 2023

Omẹ atọ̀n wẹ kú to whenuena omẹ 13 gbleawu dile hagbẹ tonudọgbẹ́ All Progressives Congress (APC) po Peoples Democratic Party (PDP) ada ayimatẹn Oyo tọn lẹ tọ́navun yedelẹ to Yọnnuzangbe to Ile-Tuntun-waji to gandudu dokọ Ibadan South East tọn to ayimatẹn lọ mẹ.

Sọha mọto po zokẹkẹ po tọn he ma ko yin yinyọnẹn wẹ gble sọgbe hẹ linlin he yin nina.

Dodinnanu gbọn afọzedaitọ mitọn dali dohia dọ hagbẹ APC tọn lẹ wẹ to opli basi to azọ́ntẹn ogbẹ́ lọ tọn to Iyana Court, Ile-Tuntun to Ibadan whenue mọto hagbẹ PDP tọn de juwajei bo doadi homẹ na mẹhe yin nugbonọ na ogbẹ́ APC tọn lẹ bosọ to núdlan do yé.

Kunnudetọ nujijọ lọ tọn de dọmọ, "PDP gblehomẹ sinsinyẹn. To whenue yé jlo na yinuwa, nukọntọ ogbẹ lọ tọn po mẹhe jlo na lẹzun whedegbẹ́ tonudidọ ogbe lọ tọn po ze oso bo de do hagbẹ APC tọn lẹ. Enẹ lọ wẹ hẹn tukla wa na mẹlẹpo.

"Mẹhe yé tọ́navùn lẹ mọ susu hagbẹ APC tọn lẹ he gbleawu bọ dopo to mẹhe jlo na lẹzun wedegbẹ́ tonudidọ tọn de họnyi gbọn ogbì bibẹpli etọn dali.

Asisa lọ dọmọ, oṣiọ lọ lẹ ko yin bibẹyi mọgu bọ mẹhe gbleawu lẹ yin bibẹyi dotowhé he ma yin hinhẹn zun yinyọnẹn na mẹde nado mọ nukunpedomẹgo.

Sọgbe hẹ nudọnamẹ linlinnamẹtọ lẹ tọn, mẹhe yin Ponọ-gán hodọdopọ azọ́nwhé tọn, Adewale Osifeso ma yin mimọ nado yi nudepope wa.

Asisa lẹ

• Ademola Adegbite. "Three feared dead as APC, PDP members clash in Oyo". — Punch. March 16, 2023
• Adebayo Waheed. "3 Killed As APC, PDP Supporters Clash In Oyo". — Leadership. March 26, 2023