Omẹ atọ̀n he go yè vẹnudo yé go lẹ hù dawe Anambra-nu dé na N1,600 wutu

Oguzangbe, Whejisun 7, 2023

Ponọ Ayimatẹn Anambra tọn lẹ ko jẹ godo na omẹ atọ̀n he go yè vẹnudo delẹ na yé sọnú dawe dé he yin yinyọnẹn taidi Chikodili bọ e kú whenue yé dọnnu do N1600 ji to Ogidi, gandudu dokọtọn Idemili North to ayimatẹn Anambra tọn mẹ.

Linlin lẹ dohia dọ Chikodili he yin matintọ lọ he tlọn ayimatẹn Ebonyi tọn mẹ, tin po mẹhe go yé vẹnudo lọ lẹ po whenuena nudindọn dé bẹjẹeji gando dile yé na má N1600 to yede ṣẹnṣẹn dó. Kunnudetọ dé, he ma jlo na ná yinkọ etọn dọna linlin-kàntọ lẹ dọdọ nudindọn lọ diọ adà devo, dile dopo to yé mẹ sọnú matintọ lọ bọ e kú. Kunnudetọ lọ dọ matintọ lọ po mẹhe go yé vẹnudo lọ lẹ po ko dọnnu na whenu dindẹn to azọ́nwatẹn yetọn gando de yé sọgan má akuẹ N1600 do he hẹn ogán yétọn dá do whẹho lọ mẹ bọ hó lọ do whiwhẹ pẹde.

Ṣigba whẹdida ogán yetọn tọn ma sọgbe to omẹ atọ̀n lẹ nukunmẹ bọ to ganhiho delẹ godo, yé ylọ Chikodili nado yì nu ahan to gbẹdutẹn dé ṣigba e gbẹ́ oylọ yetọn na e yọnẹn dọ yé gbẹ jlo na wa danu do emi na whẹdida lọ ma sọgbe na yé wutu.

To godo mẹ, yé wle matintọ lọ to zokẹkẹ de ji bo hẹn ẹn sinsiẹn dile dopo to yé mẹ sọnú in to okọ̀ po ota po. E sọ jai to afọdopolọji bo kú bọ yé omẹ atọ̀n lẹ sọn họ̀n.

Asisa lẹ

• Ikenna Obianeri. "Three suspects kill Anambra man over N1,600". — Punch. March 6, 2023
• "Three men kill colleague in Idemmili over N1,600". — National Light. March 6, 2023