Omẹ 25 wẹ kú bọ omẹ 10 gbleawu to asidan he jo to Bauchi
Sibigbe, Whejisun 25, 2023
Gbẹtọ he ma whe hugan 25 wẹ hẹn ogbẹ̀ yétọn bú to asidan sinsinyẹn he jọ to Udubo to ali Hadeja-Potiskum tọn ji to gandudu dokọ Gamawa tọn to ayimatẹn Bauchi tọn mẹ.
Omẹ 10 devo lẹ he tin to mọto Toyota Hummer Bus mẹ gbleawu sinsinyẹn to asidan lọ whenu.
Asidan lọ jọ to Yọnnuzangbe to ogan 4:30 whejai tọn.
Ogán Federal Road Safety Corp ayimatẹn Bauchi tọn, Yusuf Abdullahi hẹn diun na nukunmọnu mítọn dọ, asidan lọ jọ nugbo to Ahọluzangbe afọnnu.
E dọ dọ omẹ 35 wẹ tindo mima to asidan lọ mẹ, mẹho sunnu 19, mẹho yọnnu 11, yọpọ sunnu awe po yọpọ yọnnu atọ̀n po.
Sọgbe hẹ nuhe e dọ, hunkuntọ he to mọto Hummer Bus lọ kun wẹ lilẹ sọn awa etọn ji yi plá omẹ he to atinsá delẹ sẹpo fihe yé nọ klọ mọto te.
Abdullahi dọmọ, mọwẹ, asidan ṣokẹdẹ tọn de jọ to Udubo to ali Hadeja-Potiskum tọn ji to gandudu dokọ Gamawa tọn to ayimatẹn Bauchi tọn mẹ to Yọnnuzangbe, 23 Whejisun, 2023.
Asidan lọ wa aimẹ po mọto Toyota Hummer Bus he nọ bẹ ahisinọ lẹ he tindo nọmba ohun tọn: JMA 59XA. Asidan lọ jọ na agbàn bibẹ zẹjlẹgo, wezun hinhọn zẹjlẹgo he zọn bọ mọtofọ lọ là bo alọ lọ liẹ biọ mẹlẹ mẹ.
Hunkuntọ he yinkọ etọn ma ko yin yinyọnẹn bà ede mẹ pò bo biọ omẹ delẹ mẹ he to whẹ̀nọ to atinsá. Na owhè sinsinyẹn he hùn wutu wẹ mẹlẹ do tin to atinsá bo wa yin hùhù todin.
Sọha gbẹtọ 24 wẹ tin to mọto Hummer Bus lọ mẹ whenue omẹ 11 he po lẹ tin to atinsá sẹpọ mọto klọtẹn dile ponọ lẹ dọ do.
Tlolo he mi se linlin wẹ omẹ mitọn lẹ yi nujijọ lọ tẹnmẹ nado whlẹn mẹhe go nujọ do lẹ bo bẹ ye sọyi dotowhé Federal Medical Center he tin to Azare nado mọ nukunpedomẹgo yi.
"Finẹ wẹ doto hẹn zun yinyọnẹn te dọ omẹ 25 he bẹ sunnu mẹho ṣiẹnnẹ, yọnnu mẹho widopo, sunnu yọpọvu awe po yọnnu yọpọvu atọ̀n wẹ ko basi matintọ. Omẹ ao devo lẹ gbleawu sinsinyẹn".
Ogán FRSC tọn na avase sinsinyẹn gando asidan lọ go titengbe na hunkuntọ nado kunhun dẹẹdẹ whenue yé to ali ji.
E blawu dọ omẹ ehelẹ kú na wezun hinhọn zẹjlẹgo po agbàn bibẹ zẹjlẹgo hunkuntọ lọ tọn wutu.
Asisa lẹ[jlado | jla asisado]
- Armstrong Bakam. "25 die, 10 injured in Bauchi auto crash". — Punch. March 24, 2023
- Paul Orude. "25 killed, 10 injured in Bauchi road accident". — The Sun. March 25, 2023