Omẹ 24 wẹ kú to asidan he jọ to Niger, dile omẹ ẹnẹ devo kú to Bauchi
Azangaagbe , Whejisun 29, 2023
Omẹ konukunẹnẹ wẹ hẹn ogbẹ yetọn bú to asidan he jọ to Tẹnigbe zanmẹ to gandudu dokọtọn Lavun to ayimatẹn Niger tọn mẹ.
Asidan ohún gaa dopo tọn he jọ lọ bẹ gbẹtọ 87 he jei Awọnlin sọn Zaria, ayimatẹn Kaduna tọn mẹ.
Aṣẹpatọ na azọ́nwatẹn he nọ penukundo hihọ́ aliho ji tọn go yèdọ, Federal Road Safety Corps (FRSC) Kumar Tsukwan, dọ ehe whenue e to linlin asidan lọ tọn dohia linlin-kàntọ lẹ to Oguzangbe.
Sọgbe hẹ nuhe Tsukwan dọ, asidan lọ jọ to gbetato Etsu Woro tọn to aliho Bida-Mokwa tọn ji to nudi ogàn 10:10 to zanmẹ.
E dọ "Gbẹtọ konukunẹnẹ he to gbejizọnlin ji sọn Zaria jei Awọnlin wẹ kú to asidan he jọ to ohún gaa he bẹ gbẹtọ 87 mẹ to gbetato Etsu Woro tọn to gandudu dokọtọn Lavun to ayimatẹn Niger tọn mẹ".
Ogán FRSC tọn lọ yidogọ dọ gbọnvona mẹhe kú lẹ, gbẹtọ 45 devo lẹ gbleawu bo ko yin bibẹ yì dotowhe nado yin nukunpedego.
Mọdopolọ, e yin didọ dọ omẹ ẹnẹ ogbẹ yetọn bú to asidan he jọ to kilomẹtlu 15 sẹpọ Aná Bagel tọn to aliho Bauchi-Dass tọn to gandudu dokọtọn Dass to ayimatẹn Bauchi tọn mẹ. Omẹ atọ́n devo lẹ gbleawu voovo to asidan lọ mẹ. Asidan lọ he jọ to Tẹnigbe to ogán 10:30 afọnnu bẹ gbẹtọ ṣiẹnẹ hẹn yedọ, sunnu mẹho ṣiantọ̀n po yọnnu mẹho dopo po.
Ogán FRSC ayimatẹn lọ tọn, Yusuf Abdullahi, dọna linlinhọsa Punch tọn to Oguzangbe dọ nugbo wẹ dọ nujijọ lọ wa aimẹ. Abdullahi dohia dọ ohún lọ wẹ Galaxy Ford de he tindo nukinkan MSA 72-XD to e go.
E dọdọ asidan jọ dó hunkuntọ lọ ma penugo nado deanana ohún lọ ba.
Asisa lẹ[jlado | jla asisado]
- Aisha Wakaso and Armstrong.
"Niger auto crash claims 24, four die in Bauchi". — Punch. March 28, 2023
- Adelowo Oladipo – Minna. "FRSC confirms 24 died in Niger auto crash". — Tribune Online. March 28, 2023