Omẹ ẹnẹ yin wiwle do gànmẹ na yé hù kanlinyìntọ Ogun tọn de wutu

Sọn Wikilinlin

Yọnnuzagbe, Nuwhàsun 11, 2023

Omẹ ẹnẹ ko yin wiwle na yé yin nuvẹdo dọ yé dèso do kanlinyìntọ de he nọ yin Umaru Aliu bo hù i bosọ sán agbasagonu etọn lẹ, to gbétatò Ijagure tọn mẹ sẹpọ Sagada, to lẹdo gandudu dokọ̀ tọn Imeko-Afon tọn mẹ to ayimatẹn Ogun tọn mẹ.

David Akinremi, he yin ogán ponọ Amotekun lẹ tọn to ayimatẹn lọ mẹ, hẹn ehe zùn yinyọnẹn to hodidọ de mẹ to Azangaagbe.

Akinremi dọdọ awe to mẹhe yin nuvẹdo lọ lẹ mẹ yin wiwle gbọn hagbẹ emitọn lẹ dali to ayimatẹn lọ mẹ bọ mẹhe pò lẹ yin wiwle gbọn ponọ ayimatẹn Oyo tọn lẹ dali.

E basi zẹẹmẹ dọ omẹ ṣinawe wẹ yin nuvẹdo he tindo mahẹ to mẹhuhu lọ mẹ to nudi ogàn ṣidopo whèjai tọn mẹ to Lidosun 30, 2023.

E yidogọ dọdọ yé wá yin wiwle to Oguzangbe.

E dọdọ, "Mẹhe yin nuvẹdo lọ lẹ, Akinyele Adebayo, he yin owhe 49-mẹvi, po Idosu Gbalo, he yin owhe 30-mẹvi po, yin wiwle na yé hù Umaru Aliu, he yin kanlinyìntọ de, to gbétatò Ijagure tọn mẹ sẹpọ Sagada, to lẹdo gandudu dokọ̀ tọn Imeko-Afon tọn mẹ to ayimatẹn Ogun tọn mẹ."

"Yé wà danu lọ to nudi ogàn ṣidopo whèjai tọn mẹ to Sẹgbe, Lidosun 30, 2023. To whenue matintọ lọ po mẹdevo de he nọ yin Umaru Takake po plán kanlin yetọn lẹ nado yì dù amà to zunkan de sẹpọ gbétatò he yin nudego to agà mẹ, nudọnamẹ lẹ dohia dọ dawe de he nọ yin Fagbemi Kareem, he sọ hẹn osò de, tọ́navùn yé."

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Omẹ_ẹnẹ_yin_wiwle_do_gànmẹ_na_yé_hù_kanlinyìntọ_Ogun_tọn_de_wutu&oldid=17851"