Omẹ ẹnẹ wẹ kú to avùn he jọ to Akwa Ibom whenu

Sọn Wikilinlin

Oguzangbe, Nuwhàsun 16, 2023

Ponọ ayimatẹn Akwa Ibom tọn lẹ ko hẹn ẹn diun dọ omẹ ẹnẹ wẹ kú to avùn kọmẹ tọn he jọ to lẹdo Amazaba tọn he tin to Agewaji Obolo tọn podo lẹdo Ikot Akpan Udo tọn po to Ledo Gandudu Dokọ̀ tọn Ikot Abas Ayimatẹn lọ tọn mẹ ṣẹnṣẹn.

Ponọ lẹ ko de ponọ azọnyọnẹntọ 300 lẹ do lẹdo he hunyanhunyan lọ to jijọ te lẹ mẹ nado sọgan hẹn nulẹ pọnte.

Hoyidọtọ ponọ Ayimatẹn lọ tọn, Odiko Macdon, wẹ hẹn ehe zun yinyọnẹn to hodọdopọ dé mẹ hẹ linlinzọnwatọ lẹ to Sibigbe dọ dọ Ponọgán Ayimatẹn lọ tọn Olatoye Durusinmi ko sọ vẹ ponọ Ayimatẹn he sẹpọ ẹ lẹ po hihọ-zọ́nwatọ devo lẹ po dọ ye ni wa gọalọ nado doalọtena hunyanhunyan he to yíyí to ayimatẹn lọ mẹ.

Avun he to lẹdo awe lẹ ṣẹnṣẹn bẹjẹeji to owhe 2008, bo sọ dekọtọ́n do okú mẹlẹ tọn po nutindo lẹ hinhẹn bu po mẹ podọ ga awhàn lọ zọ́n bọ mẹsusu ma tlẹ sọ tindo owhé he gbẹ ye na nọ lọsu ba.

Sọn whenẹnu tukla susu lẹ ko yin jijẹ gbọn ogbẹ́ voovo lẹ dali nado doalọtena awhàn lọ ṣigba e ma pa yé.

Macdon dọ dọ, "Hunyanhunyan he to lẹdo Amazaba tọn mẹ to Agewaji Obolo tọn podo lẹdo Ikot Akpan Udo tọn he to Ette Clan to lẹdo gandudu dokọ tọn Ikot Abasi tọn mẹ ko dèkọtọ́n do okú mẹ na mẹsusu. Todin mi ko bẹ ponọ nayi 300 nado yi mọ dọ jijọho lẹkọ do lẹdo lọ lẹ mẹ.

Enẹwutu ponọ lẹ ma na jotẹn na nudepope nado hẹnalọdotena azọ́n he wa ye te nado gọ jijọho do lẹdo lọ lẹ mẹ. Ponọgán CP sọ yidogọ dọ mẹlẹpo ni wa natẹn jijọho. Enẹwutu e ko ylọ ponọ lẹ po hihọ-zọ́nwatọ devo lẹ po nado wa gọalọ ni jijọho nido sọgan tin."

Asisa lẹ[jlado | jla asisado]