Omẹ ṣinawe wẹ fiọ́, bọ omẹ 14 gbleawu to asidan ohún tọn de he jọ to alihogbó Lagos-Ibadan tọn ji

Tẹnigbe, Lidosun 24, 2023

Mí sè dọ to Sẹgbe gbẹtọ ṣianwe gọna ovi pẹvi awe wẹ fiọ́ kakajẹ kúdonu whenue ohún de jayi to ajijimẹ bo sọ wle miyọ́n to alihogbó Lagos-Ibadan tọn ji. Nuhe ma whè sọn omẹ 14 mẹ wẹ gbleawu voovo lẹ to asidan he jọ lọ mẹ to lẹdo OPIC tọn to ali daho lọ ji.

Hoyidọtọ azọ́nwatẹn he nọ penukundo hihọ́ ali ji tọn go yedọ; Federal Road Safety Corps, Florence Okpe, dohia to Abeokuta dọ nugbo wẹ dọ nujijọ lọ wa aimẹ. Okpe dọdọ asidan ohún dopo tọn lọ he yin Mazda he tindo nukinkan BDG993YG to e go jọ to gàn 10:45 afọnnu tọn to Sẹgbe.

Hoyidọtọ lọ dọdọ gbẹtọ 22, he bẹ sunnu ṣianwe, yọnnu mẹho ṣiantọ̀n, visunnu flinflin ẹnẹ po viyọnnu flinflin atọ̀n po hẹn, wẹ tin to ohún lọ mẹ, bọ omẹ ṣianwe kú dile omẹ 14 devo lẹ gbleawu.

E dọdọ "mẹhe gbleawu lẹ ko yin bibẹ yi dotowhe Awọnlin tọn yedọ, Lagos State Accident Emergency Center,to Ojota dile oṣiọ lọ lẹ ko yin bibẹ yi mọgu Olabisi Onabajo University Teaching Hospital tọn to Sagamu."

Asisa lẹ

• Daud Olatunji."Seven burnt to death, 14 injured in bus crash on Lagos-Ibadan Expressway". — Punch. April 23, 2023
• Peter Moses."7 Die, 14 Injured As Bus Crashes On Lagos-Ibadan Expressway ". — Daily Trust. April 23, 2023