Omẹ ṣidopo wẹ kú bọ omẹ awe gbleawu to asidan awe delẹ whenu to Ogun
Oguzangbe, Whejisun 28, 2023
E whè gbau omẹ ṣidopo wẹ ko hẹn ogbẹ̀ yetọn bu to asidán voovo lẹ mẹ to Sibigbe po Sẹgbe po to Ayimatẹn Ogun tọn mẹ.
Linlinzọ́nwatọ mítọn sè dọ asidán tintan lọ jọ to Alihogbó Awọnlin sọyi Ibadan tọn ji podọ omẹ awè wẹ hẹn ogbẹ̀ yetọn bu, bọ awetọ lọ jọ to Lafenwa to Abeokuta he yin tatọ-tònọ ayimatẹn lọ tọn.
To hodidọ de he do nugbonọ-yinyin nujijọ lọ lẹ tọn hia mẹ, Hoyidọtọ Ahọluzọ́nwatọ he nọ penukúndo Hihọ Aliji tọn go na Ayimatẹn Ogun tọn, Florence Okpe, dọ dọ omẹ ṣidopo wẹ ku.
Okpe basi zẹemẹ to Sẹgbe dọ asidán tintan jọ to mọto Volvo de he wekun sọha mẹyinyọnẹn tọn etọn yin RBH 420 XA po mọto Nissan de he wekun sọha meyinyọnẹn tọn etọn yin YYY 486 XB po ṣẹnṣẹn.
Sọgbe hẹ Okpe, omẹ ṣidopo go wẹ asidán tintan lọ gando, bọ omẹ awè kú podọ omẹ awè gbleawu.
E dọ dọ tolivivẹ na osẹ́n aliji tọn po mọto kunkun makiya po wẹ dọ̀n asidán lọ.
Okpe dọ gando asidán awetọ lọ he jọ to Ahọluzangbe zanmẹ go dọ e gando mọto atọ̀n go: mọto he nọ bẹ́ amì de he tindo wekun sọha mẹ yinyọnẹn tọn T 15321 LA; po BMW de, he sọha etọn yin TTD 421 CX, po gọna Nissan SUV he ma do wekun sọha de po.
E donu e go dọ omẹ ẹnẹ wẹ kú to nujijọ ehe whenu
Sọgbe hẹ nue e dọ, mẹhe to Amì-hun lọ he mẹ amì Petrol tọn gọ́ kun lọ, ma penugo nado deanana ede ba dile e to tintẹnpọn nado lilẹ to Lafenwa aliplitẹn tọn.
Okpe dọ dọ wezùn hinhọ̀n hugan po yamakinanu po Amìhún-kuntọ lọ tọn wẹ dọ̀n asidán lọ.
Amìhún lọ to tintẹnpọn nado lilẹ́ to aliplitẹn Lafenwa tọn lọ bo dli do mọto awè ji.
"Húnkuntọ lọ sọ dli do ohọ̀ de ji ga. Amì lọ gbà, amọ́ e ma wlé miyọ́n.
"Àmì he po lọ sọ yin dindọn do ohún devo mẹ po alọgọ miyọ́nzọ́nwatọ lẹ po nukunpedo hihọ aliji tọn lẹ po tọn po."
Asisa lẹ[jlado | jla asisado]
- Daud Olatunji. "Six die, two injured in multiple accidents in Ogun". — Punch. 25th March 2023