Olànsatọ Delta-nu de sọ́ ohí asi etọn kakajẹ okú
Sẹgbe, Lidosun 16, 2023
Ponọ ayimatẹn Delta tọn lẹ ko wle dawe olànsatọ de na e sọ́nu asi etọn kakajẹ okú to Warri he yin tòpẹvi de to Delta.
Nujijọ lọ wa aime to Yọnnuzangbe whenue mẹhe yin wiwle lọ bà osin he hùnmiyọ́n nado lawu to whenue e gọ̀ sọn ahimẹ fihe e nọ hù kanlin bosọ nọ sà olàn etọn te.
Linlinwe Punch Sẹgbe tọn dohia dọ, asi etọn gbẹ́ bosọ dọna ẹn dọmọ, ni ma doalọ nuhe yé do nọ danu blo, e dọ dọ, na sunnu lọ ma súkuẹ nudida dohọmẹ tọn wutu.
Linlin dohia dọmọ, mẹhe yin wiwle lọ dovọna asi etọn bo ze ayiha do nuhe wa ete ji enẹ wẹ nado flọ miyọ́n bo dosin adoji.
E yin didọ dọ, avùn de bẹjẹeji tọ asu po asi po lọ lẹ ṣẹnṣẹn.
To ohó lọ dindọn whenu, yọnnu lọ yi adohọ̀sá nadoyi yí ohi ṣigba, huhlọn sunnu lọ tọn hugan yọnnu lọ tọn, enẹwutu, sunnu lọ yí ohi lọ sọ́n e si po huhlọn po bosọ jẹ sisọẹ ji kaka bọ nujẹ yọnnu lọ ji.
Nukunmọnu mitọn dọ dọ, whenue sunnu lọ mọ lehe e to nuyiwado, e ze asi etọn sọyi dotowhé na nukunpedomẹgo.
E dolalo nayé dọ asi emitọn basi asidan, ṣigba viyọnnu yétọn bẹwezun yi ponọpámẹ lẹdo lọ tọn bosọ dọ nujijọ lọ na yé, afọdopolọ ji sunnu lọ yin wiwle.
Ponọ-gán hodọdopọ azọ́nwhé tọn na Ponọ ayimatẹn Delta tọn, DSP Bright Edafe hẹn diun dọ nujijọ lọ wa aimẹ nugbo.
Etomọṣo, e gbẹ́ nado na nudọnamẹ lẹ gando nujijọ lọ go.
Asisa lẹ
[jlado | jla asisado]- Dele Ogunyemi. "Delta butcher stabs wife to death". —Punch. April 16, 2023
- Israel Arogbonlo. "Man stabs wife to death during fight in Delta". —Tribune. April 16, 2023