Olàn-sàtọ de họjai bo kú to núsatẹn de to Awọnlin
Oguzangbe, Lidosun 25, 2023
Dawe olàn-sàtọ de he mí ma ko yọn yinkọ etọn de họjai bo kú to whenue e to núsa na ahisinọ de to ali Branco tọn ji, to lẹdo Mafoluku tọn mẹ to ayimatẹn Awọnlin tọn.
Linlin lẹ dohia dọ nujijọ lọ wá aimẹ to Tẹnigbe, to nudi ogàn atọ̀n whèjai tọn mẹ to whenue matintọ lọ to núsa na ahisinọ de to lẹdo lọ mẹ.
Kunnudetọ de he mọ nujijọ lọ he ylọ ede dọ Tunde dọdọ matintọ lọ ko sà olàn lọ na ahisinọ lọ fó bo to tepọn dọ yé ni sú akuẹ emi to whenue e jai to ajiji mẹ.
Kunnudetọ lọ dọdọ, "Dawe lọ nọ jlá olàn gbọn lẹdo lọ mẹ whẹwhẹ podọ e to olàn jlá to ali lọ ji dile e ko nọ basi do dai to whenue nawe de ylọ ẹ nado wá sà olàn na ẹn. To whenue e jẹ nawe lọ de, e zlọ́n agbàn etọn dai podọ nawe lọ deahi na olàn lọ. E wá sà olàn lọ na ẹn to whenue e ko kẹalọyi akuẹ he e dọ lọ godo.
To ojlẹ he mẹ nawe lọ wá jlo na sú akuẹ etọn ẹn wẹ e họjai do kọmẹ to ajiji mẹ. Nawe lọ yawu dawhá ylọ kọmẹnu lẹ nado wá gọalọna ẹn."
Tunde yidogọ dọdọ yé wà nuhe go yé pe lẹpo nado fọ́n ẹn to otẹn lọ mẹ.
E yidogọ dọ, "To ojlẹ de godo, mẹdevo delẹ sọ tẹnpọn nado fọ́n ẹn ṣigba e ma fọ́n. E to ayimimlọn finẹ na diblayi nukunwhiwhe 30. Enẹgodo wẹ kọmẹnu delẹ wá haya mọto de he ze e yì dotowhé de he to yakẹ te, fie doto lẹ dọ te dọ e ko kú."
Asisa lẹ
[jlado | jla asisado]- Afolabi. "Lagos meat seller slumps, dies while attending to customer". — Within Nigeria. April 25, 2023
- Dayo Oyewo. "Meat seller slumps, dies on duty in Lagos". — Punch. April 25, 2023