Oṣiọ wehọmevi wehọmẹ alavọ LAUTECH tọn he bù tọn ko yin mimọ, wehọmẹvi lẹ to aluẹmẹ

Sọn Wikilinlin

Sẹgbe, Lidosun 30, 2023

Oluwatobi Ogunmola, he yè dọdọ e bú to azán vude die wayi, yèdọ mẹhe yin wehọmẹvi he to owhe ẹnẹtọ mẹ to wehọmẹ alavọ Ladoke Akintola University of Technology tọn, he to Ogbomoso, to ayimatẹn Oyo tọn mẹ, ko yin mimọ, ṣigba e ko kú.

Asisa nudọnamẹ tọn de sọn wehọ pa lọ mẹ dọdọ yè mọ oṣiọ etọn to zunkan de mẹ to Gambari, Ogbomoso, to lẹdo gandudu dokọ̀tọn Surulere to ayimatẹn lọ mẹ.

Yé dọdọ Ogunmola, he to nuplọn gando Physics go to wehọ lọ mẹ, sọ nọ jla alokan do ga, podọ e sọ nọ wazọ́n lẹtliki owhè tọn ga.

To whenue Adeleke Ayoade, he yin dopo to họntọn etọn he to nọtẹn Facebook tọn ji lẹ mẹ to homẹmiọnna whẹndo matintọ lọ tọn, e kàn dọ, "To ojlẹ ehe nkọ lẹ mẹ, mí vẹawu whẹndo Ogunmola Taiwo tọn na okú visunnu yẹtọn tọn wutu. Linlin okú etọn tọn paṣa mẹlẹpo, na taun tọn, mẹhe nọ nọ̀ Gambari, to Ogbomoso lẹ. E yin nọvi de he fá bo ma sọ nọ jẹtukla. Mí hodẹ dọ Jiwheyẹwhe ni fahomẹ na whẹndo etọn bo gbọ matintọ lọ ni gbọjẹ."

Lekan Fabiyi, he yin hoyidọtọ LAUTECH tọn, dọdọ emi ma sọgan dọ nudepope todin adavo emi mọ dọ matintọ lọ yin wehọmẹvi wehọmẹ lọ tọn nugbo.

Adewale Osifeso, he yin hoyidọtọ ponọ lẹ tọn, dọdọ, "Yé ma jẹwhẹ whẹho lọ tọn to ponọpa mítọn lẹ depope mẹ, dọdọ mẹde bú wẹ o kavi dọ yé ko mọ oṣiọ etọn."

Etomọṣo, Anuoluwapo Adeboye, he yin nukọntọ ogbẹ́ LAUTECH Students Union Government tọn dọdọ okú etọn paṣamẹ taun.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Oṣiọ_wehọmevi_wehọmẹ_alavọ_LAUTECH_tọn_he_bù_tọn_ko_yin_mimọ,_wehọmẹvi_lẹ_to_aluẹmẹ&oldid=17537"