Oṣiọ viyọnnu owhe 22-mẹvi de tọn yin mimọ to ohọ̀ etọn mẹ, họntọn sunnu etọn yin wiwle

Tẹnigbe, Lidosun 3, 2023

Whẹndo Kabirat Sobola tọn to bibiọ whẹdida dodo. Kabirat yin viyọnnu owhe 22-mẹvi de, he yin wehọmẹvi hoho wehọmẹ alavọ Moshood Abiola Polytechnic tọn he to Abeokuta, podọ mẹhe yé dọdọ yé sọ́hi jẹ kúdonu to tatọ́-tònọ ayimatẹn Ogun tọn.

Sọgbe hẹ nuhe mẹlẹ dọ, matintọ lọ, he ko fó wehọmẹ alavọ tọn lọ bo tindo gbedewema National Diploma tọn, yin hùhù to ohọ̀ etọn mẹ to Abeokuta to Ahọluzangbe, Afínplọsun 4, 2023.

Linlin lẹ dohia dọdọ nujijọ lọ ko dọ̀n whẹndo lọ blebu biọ aluẹmẹ dile ponọ lẹ jẹ dodinnanu basi ji gando okú viyọnnu lọ tọn go.

Apadewhe whẹndo lọ tọn de he ylọ ede dọ mẹmẹyọnnu Sobola dọdọ ponọ lẹ ma to nuhe go yé pe wà gando whẹho lọ go.

E dọdọ nuhe whẹndo lọ blebu lẹ̀n wẹ yindọ ponọ lẹ ma tindo whẹwhinwhẹn depope nado wle họntọn sunnu matintọ lọ tọn, he gbẹ to ponọpa mẹ to alọnu na whẹho lọ wutu.

Sobola dọdọ, "Oṣiọ Kabirat tọn yin mimọ to ozàn etọn ji podọ ohi de to apá na ẹn, podọ ohí-pa to okọ̀ po akọnnu etọn po."

E yidogọ dọ "Alokan etọn ma yin mimọ; ponọ lẹ dovọ́na adà ehe bo ma donu e go to kandai nujijọ lọ tọn he yé basi mẹ.

To azán sọha de godo he e yin lila dọ e ko bú, họntọn sunnu etọn wá yì ponọpa mẹ to azán atọ̀ntọ Whejisun tọn nado hẹn ẹn zun yinyọnẹn na ponọ lẹ."

Asisa lẹ

• Daud Olatunji. "22-year-old Ogun lady found dead in room, boyfriend held". — Punch. April 3, 2023
• "22-year-old Lady Found Dead In Room, boyfriend Arrested". — Info Daily. April 3, 2023