Oṣiọ nawe Anambra-nu de he tọ̀sisa ze yì tọn ko yin mimọ
Sibigbe, Ayidosun 10, 2023
Nawe de he yin yinyọnẹn taidi Onyinye Okafor yin zize yì to tọ̀sisa de mẹ gbọn jikun daho de he ja to agbegbe Oko tọn, to lẹdo gandudu dokọtọn agewaji Orumba ayimatẹn Anambra tọn mẹ to Oguzangbe.
Nawe lọ he ji ovi atọ́n tlọn Etti to agbegbe Nanka tọn mẹ.
Linlinhọsa Punch tọn dohia dọ nujijọ jọ to Oguzangbe dile nawe lọ jẹte sọn kẹkẹ afọ atọ̀n nọ de mẹ to asisa lọ ṣẹnṣẹn.
E yin didọ dọ e do kẹkẹ afọ atọ̀n nọ lọ whenuena e tlọn akuẹsẹdotẹn de mẹ godo.
Sọgbe hẹ nuhe Kunnudetọ de he tin to lẹdo mẹ dọ, matintọ lọ glin kẹkẹ etọn do fide, bo sọ dó kẹkẹ afọ atọ̀n nọ yi akuẹsẹdotẹn nado yì basi tito akuẹ tọn de, enẹgodo e dó kẹkẹ afọ atọ̀n nọ devo yì fihe e glin kẹkẹ ede titi tọn lọ do nado zíndonukọn to gbejizọnlin etọn ji yi fihe e jei whẹpo nujijọ lọ do wa aimẹ.
Kunnudetọ lọ dọdọ, "Dile kẹkẹ afọ atọ̀n nọ lọ to yìyì, asisa he tin to aliho lọ ji hẹn ẹn vẹawu na kẹkẹ lọ nado sẹtẹn ehe zọ́n bọ kẹkẹkuntọ ma penugo nado deanana kẹkẹ lọ ba
"Whenue nawe lọ doayiego dọ nu ylankan de na jọ, e jẹte sọn kẹkẹ afọ atọ̀n nọ lọ mẹ to asisa lọ ṣẹnṣẹn po linlẹn lọ po nado whlẹn ede. Ṣigba dile e jẹte do otọ̀ lọ mẹ, afọ etọn fẹ́ bọ e sọ jai jẹ agbado osindò tọn de mẹ fie asisa lọ to gbingbọn bọ sọ yin zize yì to afọdopolọji.
Delẹ to mẹhe tin to kẹkẹ lọ mẹ po kẹkẹkuntọ lọ po tẹnpọ́n nado whlẹn ẹn bo dọn ẹn tọn sọn asisa lọ mẹ ṣigba e yin ovọ, dile huhlọn asisa lọ tọn hugan bọ e sọ ze e yì.
"Susu to mẹhe tẹnpọ́n nado whlẹn ẹn lẹ mẹ wẹ gbleawu voovo lẹ na nuyiwa asisa lọ tọn wutu".
Dodinnanu sọ dohia dọ asisa lọ ze oṣiọ nawe lọ tọn do nusu agbado osin daho de tọn glọ he tin to họngbo wehọmẹ alavọ tọn Federal Polytechnic, Oko tọn ji fie e yin mimọ te to Azangaagbe whenuena yé ko dín in na ganhiho susu lẹ godo.
E yin didọ dọ ye ze e to afọdopolọji yì dotowhe he sẹpọ filọ fie doto hẹn diun dọ e ko kú te.
Asisa lẹ
[jlado | jla asisado]- Ikenna Obianeri." Anambra woman swept by flood found dead".— Punch. June 9, 2023
- Uzoma Nzeagwu." Mother of five dies in Anambra flood". — The Guardian. June 9, 2023