Oṣiọ dawe de he to omẹ́ tọn yin mimọ to mọto de mẹ to Awọnlin

Sọn Wikilinlin

Ahọluzangbe, Nuwhàsun 12, 2023

Afọzọ̀ntọ lẹ po mẹhe nọ nọ̀ lẹdo Isheri tọn mẹ lẹ po, to ali Olowora tọn ji to Ojodu Berger, to ayimatẹn Awọnlin tọn mẹ, fọ́n to Yọnnuzangbe afọnnu nado wá mọ ninọmẹ he dablu de to lẹdo yetọn mẹ.

Oṣiọ dawe de he mẹde ma ko yọnẹn de tọn yin mimọ to mọto de mẹ to lẹdo lọ mẹ.

Kunnudetọ de he mọ nujijọ lọ, he dọho hẹ linlinnamẹtọ lẹ bo ma ka jlo dọ mẹde ni yọ́n yinkọ emitọn ma nado yin nukundiọsọ wutu, dọdọ dawe lọ yin mimọ to omẹ́ to mọto Toyota yuu de mẹ.

To ojlẹ he mẹ yé mọ ẹn te, oṣiọ etọn to ayimimlọn to oján nukọn tọn awe mọto lọ tọn lẹ ji podọ ota etọn to oján húnkuntọ tọn ji podọ e dlẹn afọ etọn do oján awetọ ji.

Kunnudetọ he mọ nujijọ lọ lẹ dọdọ dawe lọ ma yin yinyọnẹn taidi mẹhe nọ nọ̀ lẹdo lọ mẹ.

Linlin lẹ sọ dohia dọ ohia kavi apà awugble tọn depope ma yin mimọ to dawe lọ go.

Mẹdevo de he sọ nọ nọ̀ lẹdo lọ mẹ, he sọ dọho hẹ linlinnamẹtọ lẹ, dọdọ dile etlẹ yindọ matintọ lọ ma nọ nọ̀ lẹdo lọ mẹ, nujlatọ delẹ dọdọ nukunmẹ etọn di mẹhe yé ko nọ mọ to lẹdo lọ mẹ de.

E dọdọ, "Mí fọ́n to afọnnu bo wá mọ oṣiọ etọn to ayimimlọn to mọto lọ mẹ, e sọ to omẹ́. Ohia kavi apà awugble tọn depope ma yin mimọ to agbasa etọn go."

"Mẹdepope ma sọgan dọ taun po nujikudo po dọ onú lele wẹ hui. Nuhe mẹlẹ sọgan wà poun wẹ nado dọ nuhe yé lẹndọ e gán ko jọ."

Asisa lẹ[jlado | jla asisado]