Nukọntọ tonudọgbẹ́ PDP tọn de he danuwatọ delẹ tọ́navùn ko kú

Sọn Wikilinlin

Oguzangbe, Whejisun 21, 2023

Peter Nwake, he yin azinponọ tonudọgbẹ́ Peoples Democratic Party (PDP) tọn to lẹdo gandudu dokọ̀ tọn Ezza North tọn mẹ, mẹhe yèdọ dọ danuwatọ delẹ sọn tonudọgbẹ́ All Progressives Congress (APC) tọn mẹ to ayimatẹ̀n Ebonyi tọn tọ́navùn bo hò kú-daa-gbẹ̀-daa ko kú.

Linlin lẹ dohia dọ Nwake gbleawu to whenue yé tọ́navùn in to Sibigbe to whenue vòbibla ayimatẹn-gán lẹ po wedegbẹ́ lẹ po tọn to yìyì, bọ e wá kú na ehe wutu.

Onome Onovwakpoyeya, he yin hoyidọtọ ponọ lẹ tọn to ayimatẹn lọ dọ to Sẹgbe dọ nugbo wẹ dọ e ko kú.

E dọdọ Nwake yin hiho kú-daa-gbẹ̀-daa bo yin zize yì dotowhé fie doto lẹ wá dọ te dọ e ko kú.

E dọdọ ponọ lẹ ko jẹ dodinnanu basi ji po linlẹn lọ po nado wle mẹhe wà danu lọ lẹ bo ze yì owhẹ̀ nukọn.

Samson, he yin nọvisunnu matintọ lọ tọn lọsu yigbe dọ mẹdaho emitọn kú nugbo.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Nukọntọ_tonudọgbẹ́_PDP_tọn_de_he_danuwatọ_delẹ_tọ́navùn_ko_kú&oldid=11347"