Ninọmẹ akuẹ naira he to hinhán lọ na pọnte dile akuẹsẹdotẹn lẹ na hùnhọ̀n to Sibigbe po Sẹgbe po

Sibigbe, Whejisun 25, 2023

To Ahọluzangbe, akuẹsẹdotẹn daho Naijilia tọn deanana akuẹsẹdotẹn lẹpo nado wazọ́n to Sibigbe po Sẹgbe po taidi apadewhe tito nado hẹn ninọmẹ akuẹ he to hinhán lọ tọn yawu pọnte.

E sọ hẹn ẹn di dọ akuẹ ko yin mimá do akuẹsẹdotẹn flinflin lẹ lẹdo otò blebu nado sọgan de awufiẹsa he livi susu Naijilianu lẹ tọn to pipehẹ gbọn akuẹ hó lọ dali sẹ.

Sọgbe hẹ nuhe Isa Abdulmumin, he yin mẹbọdo anadenanutọ hodidọ CBN tọn dọ, yé ko deanana akuẹsẹdotẹn lẹ po nado bẹ akuẹ do zomọ akuẹ yíyí tọn ATM tọn yetọn lẹ mẹ podọ nado hùnhọ̀n to osẹ̀ fifo lẹ ga. Adà akuẹsẹdotẹn tọn lẹpo na wazọ́n to Sibigbe po Sẹgbe po nado sọgan pehẹ hudo ahisinọ lẹ tọn gbọn akuẹ yíyí dali.

Akuẹsẹdotẹn daho gán Godwin Emefiele, na hodo hagbẹ delẹ nado penukundo nuwiwa lẹ go bọ mọ dọ akuẹsẹdotẹn lẹ hodo anademẹ lọ lẹdo otò pé.

Asisa lẹ

• Alexander Okere and Damilola Aina. "Naira scarcity to ease as banks open today, Sunday". — Punch. March 25, 2023
• Abiodun Alade. "CBN Releases Cash, Orders Banks To Operate On Weekend". — Daily Trust. March 24, 2023