Newcastle lẹkọ do agbàwhinwlẹn Champions League mẹ na whla tintan tọn to owhe 20 godo

Sọn Wikilinlin

Oguzangbe, Nuwhàsun 23, 2023

Newcastle pegan na agbàwhinwlẹn Champions League na whla tintan tọn to owhe 20 godo dile yé fó agbàwhinwlẹn yetọn sọta Leicester do ozẹn 0-0 po to Tẹnigbe.

Zẹnsisọ Bọlu-hògbẹ́ Liverpool tọn he tin to otẹn atọ́ntọ mẹ sọta Aston Villa to Sibigbe dohia dọ Newcastle tindo nuhudo agó (point) dopo gee tọn sọn agbàwhinwlẹn awe he po na yé mẹ nado sọgan pegan na agbàwhinwlẹn Champions League tọn.

Adà Eddie Howe tọn jẹ yanwle yetọn kọn dile yé jaya to nọtẹn bọlu-gbigbá St James’ Park mẹ. Howe podo bọlu-hòtọ etọn lẹ po yin yẹyidogona na ojlẹ ga de to aihun lọ godo dile yé mọ yanwle yetọn yí sọn Toon Army si.

Vivẹnudido Newcastle tọn nado fó do otẹn ẹnẹtọ mẹ to Premier league mẹ to osun 18 gblamẹ yin opẹ daho de na Howe podo hagbẹ anadenanutọ etọn lẹ po podo huhlọn ogbẹ́ akuẹnọ otò Saudi tọn lẹ he tindo bọlu-hògbẹ́ lọ tọn po lẹ.

Asisa lẹ[jlado | jla asisado]