Newcastle hò Tottenham 6-1 nado jẹ otẹn atọ̀ntọ mẹ
Tẹnigbe, Lidosun 24, 2023
Vivẹnudido Tottenham tọn nado pegan na agbàwhinwlẹn Champions League tọn ko yin alọhẹndotena to whenuena yé gú do alọ Newcastle tọn mẹ godo to Sẹgbe podo agó 6-1 po.
Adà Cristian Stellini tọn yin yasana podo agó susu po sọn bọlu-hòtọ Jacob Murphy podo Alexander Isak po he do agó awe awe bọ Joelinton podo Callum Wilson lọsu po sọ yidogọna agó lọ.
Vivẹnudido Harry Kane tọn podo agó dopo ehe e fli lẹkọ po ma miọnhọmena Tottenham dile e taidi dọ yé ma na pegan nado jẹ otẹn ẹnẹtọ to todohukanji Premier League tọn mẹ to whenuena yé gú whla awetọ debọdodego.
Bọlu-hògbẹ́ agewaji London tọn lọ tin to godo na Newcastle podo Manchester United po podo agó (points) ṣidopo po mahopọna dọ yé ko yí agbàwhinwlẹn awe do hugan United lẹ bo yí dopo do hugan Newcastle.
Asisa lẹ
[jlado | jla asisado]- "EPL: Rampant Newcastle beat Tottenham 6-1 to clinch third position".– Punch. April 23, 2023
- "Lloris says sorry after ’embarrassing’ Spurs thrashing".– Vanguard. April 23, 2023