Newcastle hò Man United nado jẹ otẹn atọ̀ntọ mẹ
Oguzangbe, Lidosun 4, 2023
Manchester United gbọawupo nado gbawhàn dile yé gú agó 2-0 do alọ Newcastle tọn mẹ to bọlu-gbatẹn Saint James Park tọn mẹ to Sẹgbe.
Awhàngbigba lọ hẹn yọnbasi na adà Magpies tọn nado dasa Man United jẹ otẹn atọ̀ntọ mẹ to todohukanji bọlu-hògbẹ́ lẹ tọn mẹ ehe yin nujijọ tangan de na adà bọlu-hògbẹ́ Black and White tọn to owhe ehe mẹ.
Agó lẹ sọn Joe Willock podo Callum Wilson po to adà awetọ aihun lọ tọn whenu wẹ hẹn awhàngbigba lọ yọnbasi.
Bọlu-hòtọ adà Eddie Howe tọn lẹ do vivẹnu tlatla nado sọgan mọ agó (points) atọ̀n ehe yi.
Ehe wẹ yin awhàngbigba he klo hugan na Magpies sọta Red Devils to owhe widopo godo podọ awhàngbigba tintan to agbàwhinwlẹn ṣianwe mẹ.
Erik ten Hag podo bọlu-hògbẹ́ etọn po tindo azọ́n susu nado wa nado sọgan pegan na otẹn ẹnẹtọ to todohukanji bọlu-hògbẹ́ lẹ tọn to Premier League mẹ dile vogbingbọn agó dopo (point) gee wẹ tin to ṣẹnṣẹn na yé podo Tottenham-Hotspur he tin to otẹn atọ́ntọ mẹ po.
Asisa lẹ[jlado | jla asisado]
- "Newcastle sink Man United, go third".– Vanguard. April 2, 2023
- Emlyn Begley. "Newcastle 2-0 Manchester United: 'We owed them one' - Magpies defender Dan Burn".– BBC. April 2, 2023