Newcastle gídí Leicester po agó atọ̀n po nado jẹ otẹ̀n awetọ mẹ
Tẹnigbe, Awewesun 26, 2022
Newcastle United ko sẹtẹ̀n jẹ otẹ̀n awetọ mẹ to Premier League ji bọdo Arsenal he to otẹ̀n tintan mẹ go to whenue yé hò Leicester City dibla hù do agó 3-0 ji to whenue ye pehẹ yede to bọluhotẹn King Power Stadium tọn to Tẹnigbe.
Newcastle ko wa lẹzun bọluhogbẹ he ko duto bọluhiho debọdodego ji hugan to ojlẹ bọluhiho tọn ehe mẹ to Premier League mẹ gbọn duduto bọluhiho debọdodego ṣidopo ji.
Nukunwhiwhe atọ̀n to whenue bọluhiho lọ bẹjẹeji godo tlolo wẹ yé dó agó tintan, to whenue Chris Wood Newcastle tọn dó pẹnati de. Miguel Almiron sọ dó devo to nukunwhiwhe ṣinawetọ mẹ bọ Joelinton wá yí godo tọn démẹ to nukunwhiwhe 32 mẹ.
Asisa lẹ
[jlado | jla asisado]- Sharon Osaji. "Newcastle thrash Leicester 3-0, go second". — Punch. December 26, 2022