Nawe he tindo ovi owhe awe mẹvi he to ahunzọ́n jẹ de biọ alọgọ
Tẹnigbe, Whejisun 6, 2023
Sọn whenue gbọn Morenike Emitomo-ola sin ovi owhe awe mẹvi he yin Abimifoluwa yin gbigbejepọn, bọ yè mọ odò de to ahun etọn mẹ he dohia dọ e to ahunzọ́n jẹ wẹ gbẹzan nawe lọ po asu etọn tọn po masọ to de ete dai ba.
Sọgbe hẹ nuhe e dọ, Abimifoluwa ko yin zize dotowhé whlasusu nado whlẹn ogbẹ etọn.
Akuẹzinzan lọsu ko lẹzun nuhahun na yé dona sú dotowhékuẹ, akuẹ he na yi do gbejepọ́n po mọmọ po.
"Mí ko gú nulẹpo. Mí ko yàn. Akuẹ he mí do to sẹdotẹnmẹ lẹpo ko vọ̀. Nude matin he mí sọgan wa todin, mí masọ jlo dọ ovi mítọn ni kú", nawe owhe 38 mẹvi lọ dọ ehe to hokansemẹ de whenu sọn linlinnamẹtọ lẹ de.
Morenike zindonukọn to hodidọ etọn dọmọ, e pe osun ṣiẹnnẹ whẹpo yé do yọnẹn dọ e to azọ̀n mọnkọ jẹ.
Onọ lọ dọmọ, Abimifoluwa he yin jiji to Lidosun 26, 2020 ma do awutu depope to whenue e yin jiji.
"E sinyẹnawu na mí taidi whẹndo de. Mí ko zan hugan naira livi dopo. Mí nọ nọ Awọnlin ṣigba mí nọ yi Ibadan diblayin to osẹ lẹpo mẹ na mẹgbejepọn. Akuẹzinzan tokọna mí. Mí do hudo alọgọ tọn".
Asisa lẹ[jlado | jla asisado]
- Godfrey George. "Mum of two-year-old with heart condition seeks help". — Punch. March 5, 2023