Nawe de sà viyọnnu etọn nado sọgan sú ahọ́ he e dù to Ogun

Sọn Wikilinlin

Oguzangbe, Lidosun 18, 2023

noicon
noicon
Icon of loudspeaker
Hoyido-kanji ehe yin bibasi sọn vọjlado nukinkan tọn mẹ he yin bibasi to {{{2}}}, enẹwutu e ma sọgan dó vọjlado dìn tọn hia todin.

Mí sè dọ nawe owhe 33 mẹvi de, Olaide Adekunle, ko yin wiwle gbọn Ponọ ayimatẹn Ogun tọn lẹ dali na e sà ovi etọn osun fọtọ̀nnukunatọ̀n mẹvi na akuẹ N600,000 na mẹhe ma ko yin yinyọnẹn de.

Sọgbe hẹ nuhe hoyidọtọ ponọ lẹ tọn Abimbola Oyeyemi dọ, mẹhe go ye vẹnudo lọ yin wiwle whenuena asu etọn Nureni Rasaq ko wa jẹwhẹ̀ to ponọ-pamẹ he tin to Sango godo.

Oyeyemi dọdọ Rasaq jẹwhẹ̀ dọ asi etọn, Olaide Adekunle, tlọn whegbe yi Awọnlin to azan 15tọ Whejisun tọn, po viyẹyẹ lọ Moridiat Rasaq po, ṣigba e lẹkọ do whegbe matin viyọnnu lọ. E zindonukọn dọ vivẹnu lẹpo nado yọn nuhe jọ do viyẹyẹ lọ go wẹ yin ovọ́ dile nawe lọ ma sọgan basi zẹẹme fihe ovi lọ te tọn.

Whenue owhẹ̀ lọ ko yin hinhẹnwa godo, ponọ-gán adà Sango tọn CSP Dahiru Saleh, dọna ponọ lẹ nado jẹ godona nawe lọ, bọ e sọ yin wiwle. To hokansemẹ whenu, mẹhe go ye vẹnudo lọ yigbe dọ emi ko sà viyẹyẹ lọ na mẹde to Awọnlin na akuẹ N600, 000.

"whenue ye kàn nuhewutu e do basi mọ biọ ẹ, e dọdọ emi yàn akuẹ to akuẹsẹdotẹn de si, bọ emi ma penugo nado sú ahọ́ lọ, azọ́nwatọ akuẹsẹdotẹn lọ tọn lẹ jẹ nukunvando emi ji.

"Ehewutu wẹ e dọ họ̀n yi Awọnlin bosọ jẹ osin sà ji. To osin jijla lọ whenu wẹ e pé dawe de he do e hia nawe he họ̀ ovi lọ to Awọnlin, wẹ hoyidọtọ ponọ lẹ tọn dọ.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Nawe_de_sà_viyọnnu_etọn_nado_sọgan_sú_ahọ́_he_e_dù_to_Ogun&oldid=10857"