Jump to content

Nawe de kọ̀n amì miyọ́nawu do asu etọn go na whẹho gbemanọpọ tọn de wutu to Rivers

Sọn Wikilinlin

Sibigbe, Kọ́yànsun 14, 2023

Mí sè dọ nawe dé he yin yinyọnẹn taidi Hope Nwala, kọ̀n amì miyọ́nawu do asu etọn, Ekelediri Nwankwo go to agbegbe Okehi tọn to ledo gandudu dokọtọn Etche ayimatẹn Rivers tọn mẹ. E yin didọ dọ asu po asi po lọ ko tindo avun mapote de gando jijọ nọviyọnnu asi lọ tọn he nọ nọ po yé po go. E yin didọhia dọ dile etlẹ yindọ nujijọ lọ wa aimẹ to Etche, nawe lọ (Hope) yin vijiji agbegbe Obite tọn to lẹdo gandudu dokọtọn Ogba/Egbema/Ndoni ayimatẹn lọ tọn.

To whenue dawe lọ, Nwankwo, to ohò dohia linlin-kàntọ lẹ to Azangaagbe, e dọdọ nọviyọnnu asi emitọn tọn ko nọ to mẹmasi dohia emi, enẹwutu wẹ e do basi dide nado sẹ́ ẹ lẹkọ do otò etọn mẹ na e ma sọgan kẹalọyi jijọ etọn ba.

Ṣigba dawe lọ dọdọ nupaṣamẹ de wẹ e yin na emi dọ asi etọn Jẹagọ do nudide lọ, ehe hẹn nudindọn sinsiẹn wa to asu po asi lọ po ṣẹnṣẹn.

E dohia dọ whenu nọviyọnnu asi emitọn tọn nọ nọ po yé po, emi doayiego dọ dawe de nọ tọ̀wu lẹdo asi emi tọn po nọviyọnnu etọn po.

Nwankwo dọ emi yi adọgbigbo do panukọn asi emi tọn gando nuhe go emi doayi lọ podọ e sọ biọ nado yọn mẹhe sunnu lọ yin, ṣigba asi lọ diọ ohó zun adan bosọ kọ̀n amì miyọ́nawu do emi go whenu emi to amlọn mẹ whenue e ko lì emi po ṣówhènú po godo.

Hoyidọtọ Ponọ lẹ tọn ayimatẹn lọ tọn, Grace Iringe-Koko hẹn ẹn diun dọ nugbo wẹ dọ nujijọ lọ wa aimẹ, dọ dodinnanu to yìyì to alọnu ṣigba nawe lọ ko họ̀n.

Asisa lẹ[jlado | jla asisado]