Nawe de ji ovi atọ́n dopọ to owhe ṣinẹnẹ godo he e yì asu-whé

Sibigbe, Lidosun 1, 2023

Nawe owhe 28-mẹvi de he nọ yin Chidinma Amaechi ko ji ovi atọ́n dopọ to owhe ṣinẹnẹ godo he e yì asu-whé.

Ovi atọ́n lọ lẹ, he bẹ sunnu atọ̀n po yọnnu awe po hẹn, yin jiji gbọn mẹzizẹ dali to Yọnnuzangbe to dotowhe daho Life International Hospital he to Awka, to ayimatẹn Anambra tọn.

Nawe lọ he ṣẹṣẹ fó sinsẹ̀nzọn NYSC (National Youth Service Corps) tọn etọn dà ajọwatọ de he nọ nọ̀ Onitsha, he yinkọ etọn nọ Tochukwu Amaechi.

Linlin lẹ dohia dọ Chidinma ma tindo azọ́n de to alọmẹ todin bo mọhò lọ to jọwamọ-liho.

E to bibiọ to tohọluduta lọ po gbẹtọ ahundagbenọ lẹ po si nado gọalọna ẹn nado sú dotowhe-kuẹ he sọha etọn hugan livi ṣinawe-dáa.

Ovi lọ lẹ to yinyin nukunpedego to alọnu to dotowhe lọ.

Medaho nawe lọ tọn, Ebele Oranekwu, he dọho he linlinnamẹtọ lẹ to dotowhe lọ dehia dọdọ akuẹ he yin bibiọ na fie ovi lọ lẹ yin bibẹ do tata yì akuẹ naira sọha N250,000 to gbedopo, e yidogọ dọ ovi lọ lẹ dona nọ dotowhe lọ na azán gbàn.

E dọdọ, "Bẹplidopọ akuẹ ehe lẹpo tọn yì naira livi ṣinawe-daa, gbọnvo na ahọ́ devo lẹ he yé ko dù dai sọn nudi osùn awe he wayi lẹ nado penukundo hohonọ lọ go to dotowhe.

E dọdọ, "Mì to vivẹ gbẹtọ ahundagbenọ lẹ po tohọluduta lọ po nado wá gọalọ na mí nado sọgan sú ahọ́ dotowhe tọn lẹ, na mí nido sọgan duvivi dona Jiwheyẹwhe tọn he wá whẹndo mitọn mẹ ehe to gigọ́mẹ."

Dopo to to doto he to nukunpedo yé go lẹ mẹ he ma jlo dọ yinkọ emitọn ni yin yinyọnẹn dọdọ ovi lọ lẹ po onọ̀ yetọn po to ganji."

Asisa lẹ

• Titus Eleweke. "Woman Delivers Quintuplets, Seeks Help To Offset Bill". — Daily Trust. April 1, 2023
• Ikenna Obianeri. "Woman delivered of quintuplets after nine-year marriage". — Punch. April 1, 2023