Nawe Rivers-nu de biọ oṣiọ visunnu etọn he yin hùhù tọn to owhe ẹnẹ godo

Tẹnigbe, Nuwhàsun 24, 2023

Victoria Agori, he yin nawe owhe 52-mẹvi de, wule dọdọ emi ma ko penugo nado mọ oṣiọ visunnu emitọn, Daniel, tọn yí to nudi owhe ẹnẹ godo he e yin hùhù gbọn ponọ lẹ dali to Aluu, ayimatẹn Rivers tọn.

Linlin lẹ dohia dọdọ Daniel, he yin owhe 19 mẹvi to whenue e yin hùhù, yin sòdedo to onọ̀ etọn nukunmẹ gbọn ponọ lẹ dali to Nuwhàsun 11, 2019.

Sọn whenẹnu, vivẹnudido whẹndo lọ tọn lẹpo nado yí oṣiọ ovi yetọn tọn bo dì ma ko tindo kọdetọn dagbe depope.

Gbọnvona na vivẹnudido devo lẹ, whẹndo lọ sọ ze owhẹ̀ yí ogbẹ́ he nọ yiavunlọ na gbẹtọ lẹ nukọn (National Human Rights Commission), podọ to Alunlunsun 2021 tọn yé la dọ akuẹ sọha de ni yin súsú gbẹtọ voovo 27 he ko yin yasana gbọn ponọ lẹ dali wayi lẹ.

To hokansemẹ de whenu hẹ linlinnamẹtọ lẹ to Oguzangbe, mẹmẹyọnnu Agori biọ to mẹlẹpo si nado gọalọ na emi nado yí oṣiọ visunnu etọn tọn.

E dọdọ, "Whẹdatẹn lọ kanse ponọ he doalọ to mẹhuhu lọ mẹ lẹ fie oṣiọ visunnu ṣie tọn te, podọ yé dọna whẹdatẹn lọ dọ oṣiọ lọ to UPTH. Whẹdatẹn lọ degbè na yé nado ze oṣiọ visunnu ṣie tọn na mi na ma do penugo bo dì oṣiọ etọn. N'do hudo alọgọ tọn. N'dona mọ oṣiọ visunnu ṣie tọn. N'jlo dọ tòvi Naijilia tọn lẹ ni gọalọ na mi nado vẹ̀ ponọ lẹ na yé ni ze oṣiọ visunnu ṣie tọn na mi."

Asisa lẹ

• Uwakwe Benson. "Rivers mother seeks slain son’s corpse four years after". — The Times. May 24, 2023
• Uthman Salami. "Rivers mother seeks slain son’s corpse four years after". — Punch. May 24, 2023