Nawe Kwara-nu de po ovi etọn po hò viyọnnu de kú-daa-gbẹ̀-daa na yé sawhẹdokọna ẹn dọ e fìn N2,000 wutu

Sọn Wikilinlin

Yọnnuzangbe, Whejisun 16, 2023

Ponọ Nigeria Security and Civil Defence Corps, NSCDC tọn lẹ wle nawe de he nọ yin Adamo Yinusa po ovi etọn Saheed po to Ilorin, he yin tatọ-tonọ ayimatẹn Kwara tọn na yé hò viyọnnu owhe 12-mẹvi de bo gbleawuna ẹn sinsinyẹn wutu.

Ponọ NSCDC tọn lọ lẹ dọdọ mẹhe yin nuvẹdo lọ lẹ yin wiwle to Ile Oniponmo, to lẹdo Oko Olowo tọn mẹ to lẹdo gandudu dokọ̀tọn Ilorin South tọn mẹ to whenue mẹde jẹwhẹ nujijọ lọ tọn.

E yin didọ dọ Yinusa hò viyọnnu lọ sinsinyẹn na whẹsadokọnamẹ lọ dọ e fìn N2,000 sọn ṣọfu etọn mẹ wutu.

Kandai de he hoyidọto ponọ lọ lẹ tọn, Ayeni Olasunkanmi, kàn dai dọdọ, "Ponọpa NSCDC tọn ayimatẹn Kwara tọn wle Adamo Yunusa po ovi etọn, Saheed Yunusa po na yé hò viyọnnu pẹvi de he nọ yin Sukura Suleiman, yèdọ owhe 12-mẹvi de, kú-daa-gbẹ̀-daa.

Mẹde he mọ lehe mẹdaho viyọnnu pẹvi lọ tọn (Adamo) gbleawuna ẹn do bọ nujijọ lọ sọ biọ lanmẹ na ẹn de jẹwhẹ̀ nujijọ lọ tọn na tatọ-tẹnnọ ponọpa lọ tọn.

Mẹhe yin nuwhẹdo awe lọ lẹ yin wiwle to owhe yetọn gbe to Ile Oniponmo, Ayelabowo to lẹdo Oko-Olowo tọn mẹ to Ilorin.

Mẹhe yin whẹsadokọna lọ lẹ dọdọ viyọnnu lọ fìn akuẹ he sọha etọn yì N2,000 wutu wẹ zọn bọ e do yin hihò."

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Nawe_Kwara-nu_de_po_ovi_etọn_po_hò_viyọnnu_de_kú-daa-gbẹ̀-daa_na_yé_sawhẹdokọna_ẹn_dọ_e_fìn_N2,000_wutu&oldid=17628"