Nawe Ekiti-nu de sọ́hi asu etọn bo hui, bo dọdọ emi ma to ganji to ayiha mẹ wẹ zọn

Ahọluzangbe, Whejisun 31, 2023

To Tẹnigbe, whẹdatẹn daho he to Ado Ekiti, to ayimatẹn Ekiti tọn, degbè dọ nawe owhe 37-mẹvi de he nọ yin Janet Jegede ni yin alọhẹndotena do ponọpa mẹ taidi sẹ́ngbatọ akonka de na e sọ́hi asu etọn he nọ yin Kayode, bo hùi.

Jegede yin zize yì whẹdatẹn to Zósun 16 2020, to whẹdatọ Bamidele Omotoso nukọn, na whẹsadokọnamẹ lọ dọ e hùmẹ.

Sọgbe hẹ whẹsadokọnamẹ lọ, to Abọ̀húsun 17, 2019, mẹhe to whẹnukọn lọ hù Kayode Jegede (he yin asu etọn), bo jẹagọdo osẹ́n otò tọn he to adà 316 osẹ́n-we tọn mẹ bo dọna yin mẹplọnlọdo ego sọgbe hẹ adà 319 osẹ́n ayimatẹn Ekiti tọn.

To kandai he Ayomide, he yin ovi asu etọn tọn basi to ponọpa mẹ, e dọdọ emi mọ oylọ de to alokan emitọn ji sọn onọ̀ pẹvi emitọn dè, bo dọdọ e biọ to emi si nado wá whégbè bo wá ze otọ́ emitọn yì dotowhé na e ko hùi.

"To whenue n'jẹ whégbè, n'mọ otọ́ ṣie to aimimlọn bọ ohùn lẹdo e pe. N'mọ ohi de to akọ́nnu etọn. N'kan nuhe jọ se onọ̀ ṣie, ṣigba nuhe e dọ lẹ ma sọzẹn.

"To whenue n'dè ohi lọ sẹ, ohùn he to wiwayì sọ su dogọ. N'yì kọho bo ylọ kọmẹnu lẹ nado wá gọalọna mi nado ze e yì dotowhé. E yin zize yì dotowhé daho Ekiti State University Teaching Hospital po awuyiya po, fie yé dọdọ e kú to whenue e jẹ finẹ te.

Asisa lẹ

• Abiodun Nejo. "Ekiti woman stabs husband to death, claims insanity". — Punch. March 31, 2023
• Davies Ngere Ify. "Ekiti woman found guilty of killing husband claims insanity". — Within Nigeria. March 30, 2023