Nawe Cameroon-nu de ze ovi etọn pẹvi pẹnyẹnpẹnyẹn dai bo kanwe do eji
Sẹgbe, Nuwhàsun 7, 2023
Yè mọ viyẹyẹ pẹnyẹnpẹnyẹn de to Yọ́nnuzangbe bọ nukinkan he yè yí alọ̀ do kàn de,ehe mẹlẹ yise dọ e na ko yin kinkan gbọn onọ̀ lọ dali, tin to apá na ẹn.
Sọgbe hẹ MIMIMEFO, nudi ogàn 6 afọ́nnu tọn mẹ to Yọ́nnuzangbe wẹ yè doayi viyẹyẹ lọ go te to Mideno waji to lẹdo Ntefinki tọn mẹ to Nkem, Bamenda, he tin to agbegbe Agewaji-wheyíhọ-waji Cameron tọn.
Yè mọ viyẹyẹ lọ to nudi ogàn 6 afọ́nnu tọn mẹ. To whenue yè ko dọna kọmẹgán lẹdo lọ tọn po aṣẹpatọ lẹ po godo, yé ze viyẹyẹ lọ sọyi Dotówhe fie yè wá yin hinhẹn kudeji dọ e gbẹ po to ninọmẹ agbasalilo tọn dagbe mẹ te," wẹ linlin lọ yidogọ dọ.
To nukinkan lọ mẹ, onọ̀ lọ dọ dọ emi masọ do nudide devo depope he emi gán bayi ba na emi ma do nudepope nado penukúndo viyẹyẹ lọ go, mọjanwẹ emi masọ do medepope he go emi gán ganjẹ.
E wlan dọmọ, "E vẹna mi dọ nue dona wà lọ jan die. N'masọ do nudide devo depope gbọnvo do ehe, na N'jlo dọ ovi ṣie ni zan gbẹzan ayajẹ tọn.
" N'ma do nudepope; alọgọtọ de ma tin podọ nudepope ma tin he yè gán do dó ajọ́ kleun de he gán gọalọ nado penukúndo viyẹyẹ lọ po yẹnlọsu po go.
"Mì jaale bo gọalọna mi nado penukúndo e go ganji podọ odẹ̀ ṣie wẹ yindọ Jiwheyẹwhe ni dona mì bosọ pekọna ojlo ahun mìtọn mẹ tọn lẹ. Migael wẹ ovi lọ nọ yin podọ e yin jiji to azan koatọ́n-nukundopotọ Lidosun, owhe 2023 tọn mẹ. E ko gbò lọmba etọn tintan ehe yin" BCG" podọ yè ma ko gboada na ẹn. Jiwheyẹwhe ni dona mì po whẹndo mìtọn po. Mì wanu."
Mẹhe ze titobasinanu Reach Out Organisation tọn dai, ehe sin azọ́nwadopọhẹmẹtọ wẹ mọ viyẹyẹ lọ wẹ yé dọ "Yé ko sọ ze e sọyi dotówhe podọ dotó lẹ ko hẹn mí kudeji dọ e to ninọmẹ dagbe mẹ. Todin mí to tintẹnpọn nado pọ́n nue mí gán wà."
Asisa lẹ
[jlado | jla asisado]- Hannah Johnson. "Photos: Cameroonian mother abandons newborn baby, drops note". — Punch. May 4, 2023
- "PHOTOS: Mother abandons newborn baby, drops note". — Tribune online. May 4, 2023