MohBad: Ponọ lẹ kanhose gbẹtọ 26, he bẹ doto mẹgopọntọ de, Prime Boy, po họntọn de po hẹn, to kọndopọmẹ hẹ okú hànsinọ de tọn

Sibigbe, Kọ́yànsun 7, 2023
Ponọ lẹ he tin to Awọnlin, Naijilia to okú MohBad tọn gbeje pọ́n. Yé ko yọ́n doto mẹgopọntọ de, Feysayo Ogedengbe, taidi nuvẹdomẹtọ tangan lọ. E deanananu hlan MohBad, ehe zọ́n bọ e yinuwa to aliho agọ̀ mẹ bo wá dekọtọn do okú etọn mẹ to godo mẹ.

Ponọ lọ lẹ ko sọ yọ́n mẹhe vẹnudo devo lẹ, gọna họntọn MohBad tọn Ibrahim Owoduni, he sọ nọ yin yiylọdọ Prime Boy, po họntọn devo he nọ yin Ayobami Sadiq po.

Kunnudenu lẹ tin dọ Naira Marley po Sam Larry po na yinuwa po kanyinylan po bo fọ́ngu sọta MohBad. Ponọ lẹ ko do ovò-sinsẹ́n dodinnanu tọn lẹ hlan Anadenanutọ Wedegbẹ́ Alahọ tọn lẹ tọn na ayinamẹ sọgbe hẹ osẹ́n.

Asisa lẹ

• Gbenga Oloniniran. "Mohbad: Police quiz 26, say ‘nurse’, Prime Boy, friend main suspects in singer’s death". — The Punch, 7 October 2023.
• Eniola Daniel and Albert Uba. "Nurse, Naira Marley, Sam Larry prime suspects in Mohbad’s death — Police". — The Guardian, 7 October 2023.