Miyọn letliki tọn hù ovi owhe 16 mẹvi dé to azọ́nwatẹn ogan etọn tọn

Sibigbe, Whejisun 4, 2023

Azọ́nplọnvi welder tọn de, Daniel Omoniyi, kú to whenue miyọ́n lẹtliki tọn gbí ì to ṣọfù ogán etọn tọn mẹ, to lẹdo Mile 12 tọn mẹ to ayimatẹn Awọnlin tọn mẹ.

Linlinnamẹtọ PUNCH Metro tọn sè dọ to whenue miyọ́n ko gbí Omoniyi bọ e ku to nudi ogàn 7 whejai tọn mẹ to Azangaagbe godo, azọ́nvi-gbẹ etọn lẹ, ze e sọyi dotówhe he to yakẹ de yé nido whlẹ́n ogbẹ̀ etọn gan.

Etomọṣo, e kú to aliji dile yé jei dotówhe lọ.

Onọ̀ Omoniyi tọn, he biọ aluẹmẹ na nujijọ he wá dlẹnkàn yì jẹ oku visunnu owhe 16 mẹvi etọn tọn mẹ, yì jẹ owhẹ̀ nujijọ lọ tọn to ponọ̀-pá Mile 12 tọn mẹ to Yọnnuzagbe.

SP Benjamin Hundeyin he yin hoyidọtọ na ponọ lẹ to Awọnlin dọ dọ oṣiọ Omoniyi tọn ko yin zize sọyi fie yè nọ sẹ̀ oṣiọ lẹ dọ to Dotówhe Lagos Mainland tọn mẹ na yè nido basi dindonanu lẹ yinukọ̀n dogọ do e ji.

Asisa lẹ

• Naomi Chima. "16-year-old apprentice electrocuted in boss workshop". — Punch. March 3, 2023
• Adekunle Dada. "Lagos: 16-year-old apprentice electrocuted in boss workshop". — Within Nigeria. March 3, 2023