Miyọ́n wlé ahì he mẹ yè nọ sà nugonu maṣinu lẹ tọn te to Awọnlin, podọ nuhọ́tọ dé hẹn ogbẹ̀ etọn bú

Sọn Wikilinlin

Yọnnuzangbe, Whejisun 9, 2023

Mí sè dọ nutindo he yì naira livi susu wẹ fiọ́ to nugbajẹmẹji miyọ́n tọn dé mẹ to Ahì Akere tọn mẹ fie yé nọ sà nugonu maṣinu lẹ tọn te to Ajegunle lẹdo Apapa tọn to ayimatẹn Awọnlin tọn mẹ. Oṣiọ owhe 65 mẹvi he yin nuhọ́tọ tọn dé yin mimọ to nujijọ lọ tẹnmẹ.

Anadenanutọ Awọnlin tọn he nọ yinuwa to nugbajẹmẹji miyọ́n tọn whenu Adeseye Margaret to hodidọ de mẹ to Azangaagbe hẹn ẹn di dọ miyọ́n lọ bẹjẹeji to nudi 3:28 to zanhomẹ, bo sọ yidogọ dọ azọ́nwatẹn he nọ ṣí miyọ́n adà Ajegunle tọn wẹ jẹ otẹn lọ mẹ jẹnukọn.

Apadewhé hodidọ lọ tọn die, "To whenue yé jẹ finẹ, yé mọ dọ ṣọfu he nọ sà nugonu maṣinu lẹ tọn susu wẹ ko wlé miyọ́n, ehe hẹn azọ́nwatẹn he nọ ṣí miyọ́n to nugbajẹmẹji whenu Sari-Iganmu tọn po Ilupeju tọn po nado kọnawudopọ do ṣí miyọ́n lọ bo gbọnmọ dali whlẹn ahì daho he to yakẹ de, Amìdonu de he mẹ mọto he nọ bẹ amì bọ amì he yì litli 33,000 gọ́ e mẹ de tin te, gọna owhe devo devo he sẹpọ filọ lẹ.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Miyọ́n_wlé_ahì_he_mẹ_yè_nọ_sà_nugonu_maṣinu_lẹ_tọn_te_to_Awọnlin,_podọ_nuhọ́tọ_dé_hẹn_ogbẹ̀_etọn_bú&oldid=9496"