Mehe go yè vẹnudo dọ ye yin Kanlinyìntọ delẹ hù glèsi de na e gbẹ dọ kanlin yetọn lẹ ma na dunu to ogle etọn mẹ wutu

Sọn Wikilinlin

Oguzangbe, Nuwhàsun 23, 2023

Mí sè dọ mẹhe go ye vẹnudo dọ ye yin kanlinyìntọ lẹ to Sẹgbe afọnnu tọ́navun glèsi lẹ to agbegbe Kwi tọn, to lẹdo gandudu dokọtọn Riyom ayimatẹn Plateau tọn mẹ bosọ desò do mẹdopo bọ e kú.

Sọgbe hẹ nuhe nukọntọ jọja agbegbe Kwi tọn de, Solomon Dalyop dọ whenuena e dọho po linlinhọsa PUNCH tọn po to Jos to Sẹgbe, sozetọ lọ lẹ hù glèsi lọ he yin yinyọnẹn taidi Nuhu Nyango na ye glọnalina kalinyintọ́ lọ lẹ ma nado bẹ kanlin yetọn lẹ gbọn jinukun yetọn he tin to ogle he to lẹdo mẹ lẹ mẹ wutu.

Nukọntọ jọja lẹ tọn lọ dọdọ, "Nuhe jọ wẹ yin dọdọ glèsi delẹ to agbegbe Kwi tọn mẹ to Sẹgbe afọnnu doayi e go dọ oyìn delẹ to jinukun lẹ dù to ogle yetọn mẹ bọ ye sọ yi flẹn nado yàn oyìn lọ lẹ ma nado hẹn ogle yetọn gble. Ṣigba ye ma yọnẹn dọ kanlinyìntọ delẹ ko whlá yede do gbemẹ po osò yetọn lẹ po.

To whenue glèsi jọja lọ lẹ tẹnpon nado yàn oyìn lọ lẹ, kanlinyìntọ lọ lẹ jẹ osò de ji bo sọ hù dopo to ye mẹ. Mẹhe kú lọ sìn yinkọ nọ yin Nuhu Nyango. Mí ko plidopọ todin nado di i".

Vivẹnu he yè do lẹpo nado dọho po hoyidọtọ ponọ lẹ tọn ayimatẹn lọ tọn, Alabo Alfred po, wẹ yin ovọ́ dile alokan etọn tin to ṣíṣí whenuena yé ylọ ẹ.

Asisa lẹ[jlado | jla asisado]