Mbappe podo Hakimi po do agó dile PSG duto Dortmund ji to agbàwhinwlẹn Champions League tọn he bẹjẹeji mẹ

Sọn Wikilinlin

Azangaagbe, Zósun 20, 2023

Paris Saint-Germain bẹ agbàwhinwlẹn Champions League yetọn jẹeji podo awhàngbigba po to Oguzangbe dile agó penalty Mbappe tọn gọalọna yé nado gbawhàn agó 2-0 tọn sọta Borussia Dortmund to bọlu-gbatẹn Parc des Princes tọn mẹ. Bọlu-hògbẹ́ nukọntọn Flansenu lọ dugan do adà tintan aihun lọ tọn ji matin budonamẹ depope sọta bọlu-hògbẹ́ Dortmund tọn lẹ, ṣigba yé zindonukọn to nukunwhiwhe ẹnẹtọ to gbọjẹ godo nado do agó penalty tọn he jẹ alọgo na Niklas Suele. Achraf Hakimi do agó awetọ ṣigba PSG sọgan ko duto pipli F lọ tọn ji podo agó susu po. Kọdetọn lọ ze yé do otẹn aga tọn mẹ to pipli lọ mẹ to afọdopolọji, to whenuena Ac Milan podo Newcastle po nọ ozẹn agó 0-0 tọn bọ anademẹtọ yetọn Luis Enrique lọsu sọ tindo todido dọ yé na zindonukọn to vivẹnudido yetọn mẹ to whenuena yé na pe Newcastle to adà he na bọdego mẹ. Etomọṣo, Dortmund matin to adà dagbe yetọn mẹ to agọe paali boka sọ dona dovivẹnu nado wadagbe dogọ to whenuena yé na pe Milan to agbàwhinwlẹn he na sinyẹn taun de mẹ. Bọlu-hògbẹ́ lọ gbẹpo to akọndona bọlu-hòtọ dagbe yetọn he ko yí lẹ taidi Jude Bellingham podo bọlu-hòtọ Sebastian Haller he anademẹtọ Edin Terzic de sẹ todohukanji bọlu-hòtọ he bẹjẹeji lẹ tọn mẹ na e matin to ojlẹ dagbe etọn tọn wutu. PSG lọsu tin to osẹ nuyọyọ lẹ tọn mẹ dile Lionel Messi, Neymar podo Marco Verratti po tọ́n sọn ogbẹ lọ mẹ bọ anademẹtọ yọyọ devo he yin Luis Enrique yin zize wa ogbẹ lọ mẹ. Anademẹtọ Spain tọn to dai, he mọ ale bọlu-hihò Champions League tọn yí na Barcelona to 2015, zinnudo agbàwhinwlẹn lọ go dọ emi tindo hudo ojlẹ lẹ tọn nado hẹn ojlo emi tọn zun yinyọnẹn na bọlu-hòtọ lọ lẹ ehe to suhugan yetọn yin bọlu-hòtọ yọyọ lẹ he hopodona bọlu-hògbẹ́ lọ to Alunlunmẹ. Bọlu-hòtọ yọyọ atọ́n wẹ tin to todohukanji bọlu-hòtọ lẹ tọn mẹ ehe Ousmane Dembele podo Randal Kolo Muani tin to e mẹ.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Mbappe_podo_Hakimi_po_do_agó_dile_PSG_duto_Dortmund_ji_to_agbàwhinwlẹn_Champions_League_tọn_he_bẹjẹeji_mẹ&oldid=18767"