Mbappe do agó awe dile PSG sẹpọ nado mọ ale League 1 tọn yí

Sibigbe, Lidosun 22, 2023

Mbappe do agó awe dile Paris Saint-Germain zindonukọn to afọdide yetọn mẹ nado mọ ale Ligue 1 tọn yí mahopọna vivẹnudido pẹvide po sọta bọlu-hògbẹ́ he tin to odo todohukanji lọ mẹ tọn he yin Angers ji podo agó 2-1 po to Ahọluzangbe.

Mbappe wẹ do agó tintan to nukunwhiwhe ṣiẹnẹtọ mẹ bosọ do devo whẹpo adà tintan aihun lọ tọn do wa vivọnu nado sọgan tindo vogbingbọn agó (points) susu tọn dile bọlu-hòtọ France-nu lọ ko tindo agó 22 to agbàwhinwlẹn ehe e ko tindo mahẹ te mẹ lẹ.

E taidi dọ PSG ko to awhàngba to alihò daho de mẹ ṣigba bo jẹ adidọ wa ji to adà awetọ aihun lọ tọn whenu dile adà bọlu-hògbẹ́ he tin to odo todohukanji lọ tọn he yin Angers fli agó dopo lẹkọ to ogàngodo gbọn Sada Thioub dali.

PSG ko tindo vogbingbọn agó (points) 11 tọn to todohukanji bọlu-hògbẹ́ lẹ tọn mẹ podo agbàwhinwlẹn ṣidopo he po na yé po, etomọṣo agbàwhinwlẹntọ he to godo na ye he yin Marseille sọgan de agó (points) yetọn po eyin yé duto Lyon ji to Sẹgbe.

Asisa lẹ

• "Mbappe brace edges PSG closer to Ligue 1 title".– Vanguard. April 21, 2023
• "Mbappe double as PSG move closer to Ligue 1 title".– Punch. April 21, 2023