Manchester City mọ ale Champions League tọn yi bosọ biọ kàndai alemọtọ atọ̀n debọdodego tọn to whenuhó mẹ

Sẹgbe, Ayidosun 11, 2023

Manchester City ko mọ ale Champions League tọn yí to Sẹgbe he wayi dile agó Rodri tọn to adà awetọ aihun lọ tọn whenu hẹn awhàngbigba agó 1-0 tọn yọnbasi sọta Inter Milan to agbàwhinwlẹn sinsinyẹn de whenu ehe zọn bọ adà Pep Guardiola tọn lẹ tindo dotẹnmẹ nado mọ ale atọ̀n yí.

Rodri do agó podo alọgọ Bernardo Silva tọn po to adà awetọ aihun lọ tọn whenu to nọtẹn bọlu-gbigbá Ataturk Olympic tọn mẹ to fihe Kevin De Bruyne yin awugblena te.

Erling Haaland he tindo agó 52 to owhe ehe mẹ gbọawupo nado do agó to agbàwhinwlẹn atọ́n debọdodego mẹ ṣigba mahopọna ẹnẹ City gbẹ duto agbàwlẹntọ yetọn he ma lẹn nado jẹ adà ehe me gbede ji.

Dile etlẹ yindọ yé ko mọ ale Premier League atọ́n yí to owhe ṣidopo gblamẹ bosọ yí ale FA Cup tọn, City lẹzun bọlu-hògbẹ́ England tọn tintan he mọ ale atọ̀n yí to ojlẹ dopolo mẹ to Manchester United godo to 1999.

To Osun dopolọ mẹ to owhe 24 godo, City mọ ale agbàwlẹntọ otẹn atọ̀ntọ mẹ tọn yí to Penalty whenu sọta Gillingham.

Ṣigba todin yé ko lẹzun bọlu-hògbẹ́ akonka England tọn bo ko sọ mọ ale daho he klo hugan to agbàwhinwlẹn bọlu-hihò Europe tọn mẹ to owhe awe godo he yé gú do alọ Chelsea tọn mẹ ehe yin whla tintan he yé pegan na agbàwhinwlẹn adà bọlu-hògbẹ́ godo tọn.

Mẹhe tindo bọlu-hògbẹ́ lọ Sheikh Mansour,he ma nọ yawu yin mimọ to agbàwhinwlẹn bọlu-hògbẹ́ lọ tọn whenu lọsu wa nado pọn agbàwhinwlẹn lọ dile City fọ́n sọn yínyín bọlu-hògbẹ́ pẹvi jẹ yínyín akonka de sọn whenue gbọn e ko họ bọlu-hògbẹ́ lọ.

Asisa lẹ

• "Manchester City win first Champions League trophy, complete historic treble".– Punch. June 10, 2023

• "Man City beat Inter Milan to win historic Champions League title".– Vanguard. June 10, 2023