Man United nọ ozẹn podo Leeds po bo gbọawupo nado pla Man City

Yọnnuzangbe, Afínplọsun 9, 2023

Manchester United ko gbọawupo to dotẹnmẹ hundote he yé tindo mẹ nado pla bọlu-hògbẹ́ akonka Premier League tọn he yin Manchester City dile aihun yetọn podo Leeds po fó do ozẹn po agó 2-2 po to Azangaagbe sin zanmẹ.

Leeds lẹ he ma tindo anademẹtọ de, do agó tintan to nukunwhiwhe tintan aihun lọ tọn whenu dile Wilfred Gnonto gbá sọti sọn fidindẹn nado do agó.

United lẹ to gúgú podo agó dopo po to whenuena adà tintan aihun lọ tọn wa vivọnu ṣigba bo lẹkọ sọn gbọjẹ yíyí mẹ podo agó devo po sọn Raphael Varane sọta ogbẹ́ edetiti tọn mẹhe yin bọlu-hòtọ otẹn godo tọn na United bo gbọnmdali yidogọna agó Leeds tọn to nukunwhiwhe 48tọ mẹ.

To aihun sinsinyẹn de mẹ podo vivẹnudido po, bọlu-hòtọ nukọntọn na United Marcus Rashford, fli agó dopo lẹkọ na ogbẹ́ lọ to nukunwhiwhe 62tọ mẹ bọ Jordan Sancho lọsu fli agó awetọ lẹkọ to nukunwhiwhe 70tọ mẹ nado jẹ ozẹn.

Ṣigba nugomape yetọn nado gbawhàn zọn bọ Red Devils lẹ gbẹ ṣite to otẹn atọ̀ntọ mẹ to todohukanji bọlu-hògbẹ́ lẹ tọn mẹ podo agó (points) 43 po bo yi agó (points) awe do to godo na Manchester City he tin to otẹn awetọ mẹ podo agó (points) 45 po.

Leeds lẹ tin to otẹn 16tọ mẹ podo agó (points) 19 po.

Asisa lẹ

• Sharon Osaji. "Man United draw with Leeds, miss chance to level City". — Punch. February 8, 2023