Man United ko dlẹnkanna awhàngbigba yetọn dile yé dlan Bournemouth do gboji podo agó 3-0 po

Azangaagbe, Alunlunsun 4, 2023

Man United zindonukọn to awhàngbigba yetọn mẹ to aihun ṣidopo mẹ debọdodego podo awhàngbigba devo po to Bournemouth ji to aihun Premier League mẹ to Oguzangbe.

Bọlu-hòtọ yọyọ he biọ ogbẹ Man u tọn me to Alunlun whenu, Casemiro wẹ do agó tintan na yé to nukunwhiwhe 23tọ mẹ podo alọgo Christian Eriksen tọn po nado ze adà Erik ten Hag tọn do nukọn to adà tintan aihun lọ tọn mẹ.

United zindonukọn to awhàngbigba lọ mẹ dile Luke Shaw sọ do agó devo to nukunwhiwhe ẹnẹtọ adà awetọ aihun lọ tọn whenu podo alọgọ Alejandro Garnacho tọn po.

Marcus Rashford do agó atọ̀ntọ to nukunwhiwhe 86tọ mẹ podo alọgọ sọn Bruno Fernandes si ehe yin wla tintan ehe Marcus Rashford na do agó to aihun Premier League tọn debọdodego mẹ to Old Trafford.

Podo awhàngbigba enẹ po, Man United nọte to otẹn ẹnẹtọ mẹ ṣigba bo ko hopodona mẹhe tin to otẹn atọ̀ntọ mẹ he yin Newcastle podo agó (points) dopolọ po he yin 35.

Asisa lẹ

• Efosa Taiwo. "Man United extend winning streak, trash Bournemouth 3-0". — Vanguard. January 3, 2023