Man United duto Chelsea ji nado pegan na agbàwhinwlẹn Champions League tọn

Ahọluzangbe, Nuwhàsun 26, 2023

Manchester United ko pegan na agbàwhinwlẹn Champions League tọn to owhe he ja dile yé duto Chelsea ji podo agó 4-1 po to Yọnnuzangbe.

Casemiro, Anthony Martial, Bruno Fernandes podo Marcus Rashford po wẹ do agó dile Red Devils sẹtẹn yi otẹn atọ̀ntọ mẹ to Premier League mẹ.

Ehe yin ozán ylankan de na Chelsea to owhe ehe mẹ mahopọna akuẹ he yi £500 million he yé yizán nado họ̀ bọlu-hòtọ lẹ etomọṣo bosọ gbẹ gú agbàwhinwlẹn ṣiantọn to ao mẹ sọn whenue gbọn Frank Lampard lẹkọ taidi anademẹtọ yetọn na ojlẹ gli de.

Na ẹnẹwutu, nujikudo fifó do otẹn bọlu-hògbẹ́ ẹnẹ he tin to otẹn aga lẹ tọn mẹ ko yin hinhẹn yọnbasi to owhe ehe mẹ na Erik ten Hag bosọ doalọtena dẹhodo ale ma mọyi tọn to owhe ṣidopo godo dile yé mọ ale League Cup yí to Afínplọsun.

Ale devo sọgan sọ yin mimọ yi to osun he ja ni United hó Manchester City to agbàwhinwlẹn godo tọn to FA Cup mẹ.

Ṣigba nado lẹkọ do agbàwhinwlẹn adà bọlu-hògbẹ́ daho lẹ tọn to owhe he ja wẹ yin yanwle Ten Hag tọn to whenuena e jẹ anadena ogbẹ́ lọ ji to whenuena yé fó do otẹn ṣidopotọ mẹ to owhe 2021/ 2022.

Casemiro he hopodona ogbẹ́ lọ sọn Real Madrid ko yin nudagbe de nado sọgan gọ̀ huhlọn United lẹ tọn.

Asisa lẹ

• "Man Utd thrash Chelsea to secure Champions League return".– Punch. May 25, 2023
• "Man Utd beat Chelsea 4 – 1, qualify for Champions League".– Vanguard. May 25, 2023